ക​ർ​ഫ്യൂവിനിടെ യുവാവിന്​ പൊലീസിന്‍റെ ക്രൂരമർദനം

അ​മ്പ​ല​പ്പു​ഴ: പു​തു​വ​ർ​ഷ​ത്ത​ലേ​ന്ന്​ ക​ർ​ഫ്യൂ ലം​ഘി​ച്ച​തി​ന്‍റെ പേ​രി​ൽ മ​ത്സ്യ​ത്തൊ​ഴി​ലാ​ളി​യാ​യ യു​വാ​വി​ന്​ പൊ​ലീ​സി​ന്‍റെ ക്രൂ​ര​മ​ർ​ദ​ന​മെ​ന്ന്​ പ​രാ​തി. നീ​ര്‍ക്കു​ന്നം മാ​ട​വ​ന​ത്തോ​പ്പ്‌ പ്ര​കാ​ശ് ബാ​ബു​വി​ന്‍റെ മ​ക​ൻ അ​മ​ൽ ബാ​ബു​വി​നെ​യാ​ണ്​ (29) പു​ന്ന​പ്ര പൊ​ലീ​സ്​ മ​ർ​ദി​ച്ച​ത്​. പ​രി​ക്കേ​റ്റ അ​മ​ലിനെ ആ​ല​പ്പു​ഴ മെ​ഡി​ക്ക​ല്‍കോ​ള​ജ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. അ​മി​ത​വേ​ഗ​ത്തി​ല്‍ ബൈ​ക്ക് ഓ​ടി​ക്കു​ന്ന​തി​നി​ടെ വീ​ണാ​ണ്​ യു​വാ​വി​ന്​ പ​രി​ക്കേ​റ്റ​തെ​ന്നും മ​ർ​ദി​ച്ചി​ട്ടി​ല്ലെ​ന്നു​മാ​ണ്​ പൊ​ലീ​സ്​ പ​റ​യു​ന്ന​ത്.

ഡി​സം​ബ​ർ 31ന്​ ​​രാ​ത്രി 9.30നാ​ണ്​ സം​ഭ​വം. ബൈ​ക്കി​ൽ സ​ഹോ​ദ​രി​യെ ഭ​ർ​തൃ​വീ​ട്ടി​ലാ​ക്കാ​ൻ പോ​യ​പ്പോ​ഴും മ​ട​ങ്ങി​യ​പ്പോ​ഴും പൊ​ലീ​സ്​ കൈ​കാ​ണി​ച്ചെ​ങ്കി​ലും അമൽ നി​ർ​ത്തി​യി​ല്ല. മു​ന്നോ​ട്ടു​പോ​യ​പ്പോ​ൾ ലാ​ത്തികൊണ്ട്​ എ​റി​ഞ്ഞു​വീ​ഴ്ത്തി​യെന്ന്​ അ​മ​ൽ​ബാ​ബു പ​റ​ഞ്ഞു. വ​ഴി​യി​ൽ വ​ള​ഞ്ഞി​ട്ട്​ പൊ​ലീ​സു​കാ​ർ അ​ടി​ക്കു​ക​യും മൊ​ബൈ​ൽ​ഫോ​ൺ ന​ശി​പ്പി​ച്ച​താ​യും പ​രാ​തി​യു​ണ്ട്. ഐ​ഫോ​ൺ വാ​ങ്ങി​യ പൊ​ലീ​സ്​ ജി​പ്പി​ല​ടി​ച്ച്​ പൊ​ട്ടി​ച്ചു. മ​ദ്യ​പി​ച്ച​തി​ന്​ വൈ​ദ്യ​പ​രി​ശോ​ധ​ന​ക്ക്​ ആ​ല​പ്പു​ഴ ജ​ന​റ​ൽ ആ​ശു​പ​ത്രി​യി​ലേ​ക്ക്​ കൊ​ണ്ടു​പോ​യ​പ്പോ​ൾ പൊ​ലീ​സ്​ ഭീ​ഷ​ണി​യെ തു​ട​ർ​ന്ന്​ ഇ​രു​ച​ക്ര​വാ​ഹ​ന​ത്തി​ൽ​നി​ന്ന്​ വീ​ണ​​താ​ണെ​ന്ന്​ ഡോ​ക്ട​റോ​ട്​ പ​റ​യേണ്ടി വന്നു.

ബൈ​ക്കി​ല്‍നി​ന്നു​ള്ള വീ​ഴ്ച​യി​ല്‍ കാ​ൽ​മു​ട്ടി​ന് പ​രി​ക്കേ​റ്റി​ട്ടും ചി​കി​ത്സ​ന​ല്‍കാ​ന്‍ ത​യാ​റാ​യി​ല്ല. മ​ദ്യ​പി​ച്ച് വാ​ഹ​നം ഓ​ടി​ച്ച​തി​ന്​ കേ​സെ​ടു​ത്ത​ശേ​ഷം അ​മ​ലിനെ പി​​റ്റേ​ന്ന്​ ആ​ൾ​ജാ​മ്യ​ത്തി​ലാ​ണ്​ വി​ട്ട​ത്. പി​താ​വ്​ പ്ര​കാ​ശ്​​ബാ​ബു സി.​പി.​എം നീ​ർ​ക്കു​ന്നം ബി ​​ബ്രാ​ഞ്ച്​ ക​മ്മി​റ്റി അം​ഗ​മാ​ണ്. അ​തി​നാ​ൽ മ​ക​നെ പൊ​ലീ​സ്​ മ​ർ​ദി​ച്ച​വി​വ​രം പു​റ​ത്തു​പ​റ​ഞ്ഞി​ല്ല.

തി​ങ്ക​ളാ​ഴ്ച രാ​വി​ലെ​ കാ​ലി​ൽ നീ​രു​വ​ന്ന്​ ജോ​ലി​ക്ക്​ പോ​കാ​ൻ ക​ഴി​യാ​തെ​വ​ന്ന​തോ​ടെ ആ​ല​പ്പു​ഴ മെ​ഡി​ക്ക​ൽ​കോ​ള​ജ്​ ആ​ശു​പ​ത്രി​യി​ൽ ചി​കി​ത്സ​തേ​ടു​ക​യാ​യി​രു​ന്നു. ക​ർ​ഫ്യൂ​വി​ന്‍റെ ഭാ​ഗ​മാ​യി ന​ട​ത്തി​യ വാ​ഹ​ന​പ​രി​ശോ​ധ​ന​ക്കി​ടെ അ​മി​ത​വേ​ഗ​ത്തി​ൽ ബൈ​ക്ക്​ ഓ​ടി​ച്ചപ്പോൾ വീ​ണാ​ണ്​ യു​വാ​വി​ന്​ പ​രി​ക്കേ​റ്റ​തെ​ന്ന്​ പൊ​ലീ​സ്​ പ​റ​ഞ്ഞു. സ്​​റ്റേ​ഷ​നി​ല്‍ എ​ത്തി​ച്ച് കേ​സെ​ടു​ത്ത്​ വി​ട്ട​യ​ച്ച​ു. അ​തേ​സ​മ​യം, മ​നു​ഷ്യാ​വ​കാ​ശ ക​മീ​ഷ​നും മു​ഖ്യ​മ​ന്ത്രി​ക്കും പ​രാ​തി ന​ൽ​കു​മെ​ന്ന്​ കു​ടും​ബം പ​റ​ഞ്ഞു.