കഞ്ചാവുമായി യുവാവ് അറസ്റ്റിൽ

നിലമ്പൂർ: വിൽപനക്കായി ചെറുപാക്കറ്റുകളിൽ സൂക്ഷിച്ച കഞ്ചാവുമായി യുവാവിനെ അറസ്റ്റ് ചെയ്തു. നിലമ്പൂർ മണലൊടി സ്വദേശി ചുണ്ടിയാൻമൂച്ചി തൻവീറിനെയാണ് (28) നിലമ്പൂർ പൊലീസും ഡാൻസാഫ് ടീമും ചന്തക്കുന്ന് മൈലാടി പാലത്തിന് സമീപം അറസ്റ്റ് ചെയ്തത്.

12 പാക്കറ്റുകളായി സൂക്ഷിച്ച 50 ഗ്രാം കഞ്ചാവും കണ്ടെടുത്തു. പ്രതിയെ നിലമ്പൂർ കോടതിയിൽ ഹാജരാക്കി. മുമ്പും കഞ്ചാവ് കേസിലുൾപ്പെട്ടയാളാണ് തൻവീർ.