Begin typing your search above and press return to search.
exit_to_app
exit_to_app
Homechevron_rightNewschevron_rightCrimechevron_rightതപാൽ വഴി...

തപാൽ വഴി നെതർലൻഡ്​​സിൽനിന്ന് ലഹരിമരുന്നെത്തിച്ച യുവാവ്​ പിടിയിൽ; വിൽപ്പന വിനോദമേഖലയിലെ ഉന്നതർക്ക് മാത്രം

text_fields
bookmark_border
netharlands
cancel
camera_alt

ജാസിം നിസാം

Listen to this Article

കൊച്ചി: നെതർലൻഡ്​​സിൽനിന്ന് വിദേശ പോസ്റ്റ് ഓഫിസ്​ വഴി​ വീര്യംകൂടിയ ലഹരിമരുന്നെത്തിച്ച യുവാവ്​ പിടിയിൽ. വീര്യംകൂടിയ എം.ഡി.എം.എയും കൊക്കെയ്​നും വാങ്ങിയ കൊടുങ്ങല്ലൂർ ലോകമലേശ്വരം വടക്കനോളിൽ വീട്ടിൽ ജാസിം നിസാമാണ്​ (29) അറസ്റ്റിലായത്.

രണ്ട് ദിവസം മുമ്പാണ് ഫോറിൻ പോസ്റ്റ് ഓഫിസിൽ ജാസിമിന്റെ പേരിലെത്തിയ പാർ​സലിൽ ഇന്‍റർനാഷനൽ മെയിൽ സെന്‍റർ ഓഫിസിന്​ സംശയം തോന്നിയത്​. തുടർന്ന്​ ഉദ്യോഗസ്ഥർ എക്‌സൈസിന് ഇത്​ കൈമാറി.

പാർസൽ പരിശോധിച്ചപ്പോഴാണ് മൂന്ന് കവറുകളിൽ എം.ഡി.എം.എയും ഒരു കവറിൽ കൊക്കെയ്​നുമാണെന്ന് തിരിച്ചറിഞ്ഞത്​. ബ്രൗൺ, പിങ്ക്​, വെള്ള നിറത്തിലുള്ള 2896.8 മില്ലീഗ്രാം എം.ഡി.എം.എയും 9881.8 മില്ലീഗ്രാം കൊക്കെയ്നുമാണ്​ കൊറിയറിലുണ്ടായിരുന്നത്​.

ഇതിലെ വിലാസം നോക്കി എക്‌സൈസ് സംഘം ജാസിമിന്റെ വീട്ടിലെത്തി ചോദ്യം ചെയ്തു. പാർസൽ തന്റേതല്ലെന്നാണ് ഇയാൾ മൊഴി നൽകിയത്. എന്നാൽ, സമാനമായ കൊറിയറുകൾ ജാസിമിന്​ കൈമാറിയതായി പോസ്റ്റ്​മാൻ അറിയിച്ചതോടെ കൂടുതൽ ചോദ്യം ചെയ്യലിനായി കസ്റ്റഡിയിലെടുക്കുകയായിരുന്നു.

വീട്ടിൽ നടത്തിയ പരിശോധനയിൽ കഞ്ചാവ് പൊടിക്കാൻ ഉപയോഗിക്കുന്ന മൂന്ന് ക്രഷർ, ഹുക്ക തുടങ്ങിയവയും കണ്ടെടുത്തു. കൂടുതൽ ചോദ്യം ചെയ്യലിനായി കൊച്ചിയിലേക്ക് കൊണ്ടുവന്നെങ്കിലും മൊഴിയിൽ ഉറച്ചുനിന്നു.

അതിനിടയിൽ 'സാധനം' ചോദിച്ചു ഫോണിലേക്ക്​ വന്ന വിളിയെപ്പറ്റിയുള്ള അന്വേഷണത്തിനൊടുവിലാണ്​ ഇയാൾ കുറ്റം സമ്മതിച്ചത്​. ഡി.ജെ പാർട്ടികളിലെ സൗണ്ട്​ എൻജിനീയറായ ജാസിം ഹിമാചൽപ്രദേശിൽനിന്ന്​ പരിചയപ്പെട്ട ഇറ്റലിക്കാരൻ മുഖേനയാണ്​ മയക്കുമരുന്ന്​ വാങ്ങുന്നത്​. വിനോദമേഖലയിലെ ഉന്നതർക്ക്​ മാത്രമാണ്​ മയക്കുമരുന്ന് വിറ്റിരുന്നതെന്ന്​ എക്​സൈസ്​ ഉദ്യോഗസ്ഥർ പറഞ്ഞു.

അസി. എക്‌സൈസ് കമീഷണർ ടെനിമോന്റെ നേതൃത്വത്തിൽ എക്‌സൈസ് ഇൻസ്‌പെക്ടർ എം.എസ്. ഹനീഫ, അസി. എക്‌സൈസ് ഇൻസ്‌പെക്ടർ രാമപ്രസാദ്, പ്രവിന്റീവ് ഓഫിസർമാരായ സത്യനാരായണൻ, രമേഷ്, ഋഷികേശ്, സിവിൽ എക്‌സൈസ് ഓഫിസർമാരായ രാജേഷ്, സൗമ്യ, ബദറുദ്ദീൻ എന്നിവർ ചേർന്നാണ്​ പ്രതിയെ അറസ്റ്റ്​ ചെയ്തത്​.

Show Full Article
TAGS:drugs mdma Netherlands 
News Summary - Young man arrested for smuggling drugs from the Netherlands by post
Next Story