വിവാഹ നിശ്ചയത്തിന്​ ശേഷം പ്രതിശ്രുത വധുവി​നെ പീഡിപ്പിക്കാൻ ശ്രമിച്ചെന്ന പരാതിയിൽ യുവാവ്​ അറസ്റ്റിൽ

മൂവാറ്റുപുഴ: വിവാഹ നിശ്ചയത്തിനു ശേഷം പ്രതിശ്രുത വധുവി​ന്‍റെ വീട്ടിൽ എത്തി പീഡിപ്പിക്കാൻ ശ്രമിച്ചെന്ന പരാതിയിൽ യുവാവിനെ അറസ്റ്റു ചെയ്തു.

ചെങ്ങമനാട് എക്കാട്ട് സകേതം വീട്ടിൽ അനന്തകൃഷ്ണൻ (29 )നെയാണ് വാഴക്കുളം പൊലീസ് കസ്റ്റഡിയിലെടുത്തത്. വീട്ടിൽ മറ്റാരും ഇല്ലായിരുന്ന സമയത്തായിരുന്നു സംഭവം.

തുടർന്ന്​ പ്രതിശ്രുതവധുവിന് ജോലി വാങ്ങി നൽകാമെന്ന് പറഞ്ഞ് 50,000/- രൂപ വാങ്ങി എടുക്കുകയും പിന്നീട്​ സ്​ത്രീധനമായി 150 പവനും കാറും തന്നില്ലെങ്കിൽ വിവാഹത്തിൽ നിന്ന് പിന്മാറുമെന്ന് ഭീഷണിപ്പെടുത്തകയും ചെയ്തു.

വാഴക്കുളം പൊലീസ് ഇൻസ്പെക്ടർ എസ് അജയകുമാർ, എസ് .ഐ. ഷാജി, അജിത് കുമാർ, എസ്.സി.പി.ഒ മാരായ ജോസഫ്, വർഗീസ് എന്നിവരുടെ നേതൃത്വത്തിൽ ആയിരുന്നു അന്വേഷണം.