വർക്ക്ഷോപ് കേന്ദ്രീകരിച്ച് മോഷണം: മൂവർ സംഘം പിടിയിൽ
text_fieldsഹേമാംബിക നഗർ: വർക്ക്ഷോപ് കേന്ദ്രീകരിച്ച് മോഷണം നടത്തുന്ന മൂന്നംഗ സംഘത്തെ ഹേമാംബിക നഗർ പൊലീസ് മണിക്കൂറുകൾക്കുള്ളിൽ പിടികൂടി.
മുണ്ടൂർ ഒടുവങ്ങാട് നൊച്ചിപ്പുള്ളി പ്രതീഷ് (34), മുണ്ടൂർ പൊരിയാനി കാർത്തിക് (32), പെരുവെമ്പ് തണ്ണിശ്ശേരി അരുൺ (32) എന്നിവരാണ് പിടിയിലായത്.
റെയിൽവേ കോളനി, മുട്ടിക്കുളങ്ങര എന്നിവിടങ്ങളിലെ വർക്ക്ഷോപ് കുത്തിത്തുറന്ന് 200 കിലോ ഇരുമ്പ് കമ്പികളും ഇരുമ്പ് കട്ടകളും മോഷണം പോയതായി ഹേമാംബിക പൊലീസിൽ പരാതി ലഭിച്ചിരുന്നു. തുടർന്ന് പൊലീസ് നടത്തിയ വിദഗ്ധാന്വേഷണത്തിലാണ് പ്രതികൾ വലയിലായത്.
പാലക്കാട് ഡിവൈ.എസ്.പി സി. ഹരിദാസന്റെ നിർദേശപ്രകാരം ഹേമാംബിക നഗർ എസ്.ഐ വി. ഹേമലത, കെ. ശിവചന്ദ്രൻ, സി.പി.ഒ സി.എൻ. ബിജു, എസ്.സി.പി.ഒ എ. നവോജ്, സി.പി.ഒ രാഹുൽ, എന്നിവരടങ്ങുന്ന സംഘമാണ് പ്രതികളെ പിടികൂടിയത്. പ്രതികളെ കോടതിയിൽ ഹാജരാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.