കാമുകന്‍റെ സഹായത്തോടെ ഭർത്താവിനെ കൊന്ന്​ മൃതദേഹം കഷ്​ണങ്ങളാക്കി രാസവസ്​തുക്കൾ ഒഴിച്ചു; നാലുപേർക്കെതിരെ കേസ്​

പട്​ന: ബിഹാറിൽ കാമുകന്‍റെ സഹായത്തോടെ ഭർത്താവിനെ ​െകാലപ്പെടുത്തി ഭാര്യ. തെളിവ്​ നശിപ്പിക്കുന്നതിനായി മൃതദേഹം കഷ്​ണങ്ങളാക്കി മുറിച്ചശേഷം രാസവസ്​തുക്കൾ ഒഴിച്ചു. ഇതേതുടർന്നുണ്ടായ രാസസ്​ഫോടനം ശ്രദ്ധയിൽപ്പെട്ട നാട്ടുകാർ പൊലീസിനെ വിവരം അറിയിച്ചതോടെയാണ്​ ഞെട്ടിക്കുന്ന കൊലപാതകം പുറത്തറിയുന്നത്​.

മുസഫർപൂരിൽ സിക്കന്തർപുർ നഗർ പൊലീസ്​ സ്​റ്റേഷൻ പരിധിയിലാണ്​ സംഭവം. 30കാരനായ രാകേഷാണ്​ കൊല്ല​െപ്പട്ടത്​. ഭാര്യ രാധയും കാമുകൻ സുഭാഷും രാധയുടെ സഹോദരി കൃഷ്​ണയും ഭർത്താവുമാണ്​ കൊലപാതകത്തിന്​ പിന്നി​െലന്ന്​ പൊലീസ്​ പറഞ്ഞു.

വാടകവീട്ടിൽ ചിതറികിടക്കുന്ന നിലയിലായിരുന്നു രാകേഷിന്‍റെ മൃതദേഹം. കഷ്​ണങ്ങളാക്കി മുറിച്ചശേഷം രാസവസ്​തുക്കൾ ഒഴിച്ച്​ തെളിവ്​ നശിപ്പിക്കാൻ ശ്രമിക്കുകയായിരുന്നുവെന്നും പൊലീസ്​ പറഞ്ഞു. തുടർന്ന്​ പൊലീസ്​ നടത്തിയ അന്വേഷണത്തിൽ ​െകാല്ലപ്പെട്ടത്​ രാകേഷാണെന്ന്​ തിരിച്ചറിഞ്ഞു. മൃതദേഹം പോസ്​​റ്റ്​മോർട്ടത്തിന്​ അയക്കുകയും ഫോറൻസിക്​ സംഘം സ്​ഥല​െത്തത്തി പരിശോധന നടത്തുകയും ചെയ്​തു.

അനധികൃതമായി മദ്യവിൽപ്പന നടത്തുന്നയാളായിരുന്നു രാകേഷ്​. ഇയാൾ പലപ്പോഴും പൊലീസിന്‍റെ നിരീക്ഷണത്തിലായിരുന്നതിനാൽ ഒളിവിലായിരുന്നു. ഇതോടെ ഭാര്യ രാധയുടെ സംരക്ഷണ ചുമതല രാകേഷിന്‍റെ പങ്കാളിയായ സുഭാഷ്​ ഏറ്റെടുക്കുകയായിരുന്നു. പിന്നീട്​ രാധയും സുഭാഷും തമ്മിൽ അടുപ്പത്തിലായി.

ഇതോടെ ഇവർക്കിടയിൽനിന്ന്​ രാകേഷിനെ ഒഴിവാക്കാൻ രാധയും സുഭാഷും തീരുമാനിക്കുകയായിരുന്നു. ഇരുവർക്കൊപ്പം രാധയുടെ സഹോദരി കൃഷ്​ണയും ഭർത്താവും കൊലപാതകത്തിൽ പങ്ക​ുചേർന്നു.

സംഭവ ദിവസം രാധ രാകേഷിനെ വിളിച്ചുവരുത്തുകയും സുഭാഷി​െന്‍റ സഹായത്തോടെ കൊലപ്പെടുത്തുകയുമായിരുന്നു.രാകേഷിന്‍റെ മരണത്തിൽ പരാതിയുമായി സഹോദരൻ ദിനേഷ്​ സാഹ്​നി രംഗത്തെത്തി. തുടർന്ന്​ നാലു പ്രതികൾക്കുമെതിരെ പൊലീസ്​ കേസ്​ രജിസ്റ്റർ ചെയ്​തു.