Begin typing your search above and press return to search.
exit_to_app
exit_to_app
Homechevron_rightNewschevron_rightCrimechevron_rightഅപകട മരണമെന്ന്​...

അപകട മരണമെന്ന്​ വരുത്തിത്തീർത്ത്​ ആൺസുഹൃത്തിനൊപ്പം ചേർന്ന്​ ഭർത്താവിനെ കൊലപ്പെടുത്തി; യുവതി അറസ്റ്റിൽ

text_fields
bookmark_border
arrest
cancel
camera_alt

representational image

പൽവൽ (ഹരിയാന): ആൺസുഹൃത്തിനൊപ്പം ഗൂഢാലോചന നടത്തി ഭർത്താവിനെ കൊലപ്പെടുത്തിയ കേസിൽ യുവതി അറസ്റ്റിൽ. ഹരിയാനയിലെ പൽവാലിലാണ്​ സംഭവം. പുഷ്​പ, റോതാഷ്​ സിങ്​, ദീപക്​ എന്നിവരാണ്​ അറസ്റ്റിലായത്​.

പുഷ്​പയും റോതാഷ്​ സിങ്ങും രണ്ടു വർഷമായി അടുപ്പത്തിലായിരുന്നു. ഇക്കാര്യം പുഷ്​പയുടെ ഭർത്താവ്​ ഗജേന്ദർ സിങ്​ അറിയാനിടയായി. ഇതോടെ റോതാഷുമായുള്ള ബന്ധം ചൂണ്ടിക്കാട്ടി ഗജേന്ദർ പുഷ്​പയെ നിരന്തരം മർദിക്കാൻ തുടങ്ങി. തുടർന്ന്​ ദീപകിനെ കൂടെകൂട്ടി പുഷ്​പയും റോഷ്​താഷും ഗജേന്ദറിനെ കൊലപ്പെടുത്താൻ പദ്ധതിയിട്ടു​. അപകടമരണമെന്ന നിലയിലാക്കി രക്ഷപെടാനായിരുന്നു പ്രതികളുടെ പദ്ധതിയെന്ന്​ പൊലീസ്​ പറഞ്ഞു.

ഗുധർനയിൽ അധ്യാപകനായ ഗജേന്ദർ സെപ്​റ്റംബർ 28ന്​ ജോലി കഴിഞ്ഞ്​ തിരികെ മടങ്ങുകയായിരുന്നു. വഴിയിൽ വെച്ച്​ സഞ്ചരിച്ചിരുന്ന ഇരുചക്രവാഹനത്തിൽ കാറിടിച്ച സംഭവസ്​ഥലത്ത്​ വെച്ച്​ തന്നെ ഗജേന്ദർ മരിച്ചു. ഗജേന്ദറിന്‍റെ സഹോദരൻ മഹേന്ദ്രയുടെ പരാതിയുടെ അടിസ്​ഥാനത്തിൽ മുൻഡ്കാട്ടി പൊലീസ്​ കേസ്​​ രജിസ്റ്റർ ചെയ്​ത്​ അന്വേഷണം ആരംഭിച്ചു.

അപകടം നടന്ന പ്രദേശത്തെ ധാബയിലെയും ടോൾപ്ലാസയിലേയും സി.സി.ടി.വി ദൃശ്യങ്ങളാണ്​ കേസിൽ തുമ്പായത്​. റോതാഷിനെയും ദീപകിനെയും തിങ്കളാഴ്​ചയാണ്​ പൊലീസ്​ അറസ്റ്റ്​ ചെയ്​തത്​. ഇരുവരും കുറ്റം സമ്മതിച്ചു. അറസ്റ്റിലായ പുഷ്​പയെ ജുഡീഷ്യൽ കസ്റ്റഡിയിൽ വിട്ടു.

Show Full Article
TAGS:murder case illicit relationship Haryana 
News Summary - Woman, friend arrested for conspiring to murder husband and making it to look like accidental death
Next Story