Top
Begin typing your search above and press return to search.
exit_to_app
exit_to_app
Acid Attack
cancel
Homechevron_rightNewschevron_rightCrimechevron_rightഭർത്താവ്​ ബലമായി...

ഭർത്താവ്​ ബലമായി ആസിഡ്​ കുടിപ്പിച്ച യുവതി ആശുപത്രിയിൽ; ആന്തരാവയവങ്ങള്‍ കത്തികരിഞ്ഞതായി ഡോക്​ടർമാർ

text_fields
bookmark_border

ന്യൂഡൽഹി: ഭർത്താവ്​ ബലമായി ആസിഡ്​ കുടിപ്പിച്ച 25കാരി അത്യാസന്ന നിലയിൽ ആശുപത്രിയിൽ. മധ്യപ്രദേശിൽ ജൂൺ 28നാണ്​ സംഭവം. അത്യാസന്ന നിലയിൽ കഴിയുന്ന യുവതി ഡൽഹിയിലെ ആശുപത്രിയിൽ ചികിത്സയിലാണ്​.

ഡൽഹി വനിത കമീഷൻ അധ്യക്ഷ സ്വാതി മാലിവൽ മധ്യപ്രദേശ്​ മുഖ്യമന്ത്രി ശിവരാജ്​ സിങ്​ ചൗഹാന്​ കത്തെഴുതിയതോടെയാണ്​ സംഭവം പുറത്തറിയുന്നത്​. പൊലീസ്​ കേസ്​ കൈകാര്യം ചെയ്യുന്നതിൽ അലംഭാവം കാട്ടി​െയന്നും ഇരക്ക്​ നീതി വേണമെന്നും ആവശ്യപ്പെട്ടായിരുന്നു കത്ത്​.

ഗ്വാളിയാർ ജില്ലയിൽ രാംഗഡിലെ ദാബ്ര പ്രദേശത്താണ്​ സംഭവം. ജൂൺ 28ന്​ ഭർത്താവും സഹോദരിയും ​േചർന്ന്​ ബലമായി ആസിഡ്​ കുടിപ്പിക്കുകയായിരുന്നു. പ്രദേശത്തെ ആശുപത്രിയിൽ ചികിത്സയിലായിരുന്ന യുവതിയുടെ ആരോഗ്യ നില മേശമായതോടെ വിദഗ്​ധ ചികിത്സക്കായി ജൂലൈ 18ന്​ ഡൽഹിയിലെത്തിക്കുകയായിരുന്നു. അവിടെവെച്ച്​ യുവതിയുടെ സഹോദരൻ വനിത കമീഷനുമായി ബന്ധപ്പെടുകയും സംഭവം അറിയിക്കുകയും ചെയ്​തു. പിന്നീട്​ സബ്​ ഡിവിഷനൽ മജിസ്​ട്രേറ്റെത്തി മൊഴി രേഖപ്പെടുത്തി.

അഞ്ചുദിവസത്തിന്​ ശേഷമാണ്​ യുവതിയുടെ മാതാവിന്‍റെ പരാതിയിൽ പൊലീസ്​ കേസ്​ രജിസ്റ്റർ ചെയ്​തത്​. സ്​ത്രീധന നിരോധന നിയമപ്രകാരം ഭർത്താവിനെതിരെ കേസ്​ രജിസ്റ്റർ ചെയ്​തു. എന്നാൽ, മറ്റു നടപടികളൊന്നും പൊലീസ്​ സ്വീകരിച്ചിട്ടില്ല. മധ്യപ്ര​േദശ്​ പൊലീസ്​ ദുർബലമായ എഫ്​.ഐ.ആറാണ്​ രജിസ്റ്റർ ചെയ്​തതെന്നും ആസിഡ്​ ആക്രമണത്തെക്കുറിച്ച്​ പരാമർശിച്ചി​ട്ടില്ലെന്നും വനിത കമീഷൻ മുഖ്യമന്ത്രിക്ക്​ അയച്ച കത്തിൽ പറയുന്നു.

ഭർത്താവിന്​ മറ്റൊരു സ്​ത്രീയുമായി ബന്ധ​മുണ്ടായിരുന്നു. യുവതി ഇക്കാ​ര്യം അറിഞ്ഞതോടെ ഭർത്താവ്​ ക്രൂരമായി മർദിച്ചു. പിന്നീട്​ ആസിഡ്​ കുടിപ്പിക്കുകയുമായിരുന്നു. യുവതിയുടെ ആന്തരാവയവങ്ങൾ നശിച്ചതായി ഡോക്​ടർമാർ പറഞ്ഞതായി വനിത കമീഷൻ അയച്ച കത്തിൽ പറയുന്നു.

നിലവിൽ ട്യൂബി​ലൂടെയാണ്​ ഭക്ഷണം നൽകുന്നത്​. യുവതിയുടെ ആമാശയവും കുടലും കരിഞ്ഞു. നിരന്തരം രക്തം ഛർദ്ദിക്കുകയാണെന്നും പറയുന്നു. യുവതി ജീവിതത്തിലേക്ക്​ തിരിച്ചുവരുമെന്ന്​ പ്രതീക്ഷിക്കുന്നില്ലെന്ന്​ ഡോക്​ടർമാർ അറിയിച്ചു. ഇത്തരം ഗുരുതരമായ കേസ്​ മധ്യപ്രദേശ്​ പൊലീസ്​ കൈകാര്യം ചെയ്യുന്ന രീതി ലജ്ജാകരമാണെന്നും അവർ പറഞ്ഞു. കുറ്റവാളികൾക്കെതിരെ കർശന നടപടി സ്വീകരിക്കണമെന്ന്​ ആവശ്യപ്പെട്ടതായും അവർ കൂട്ടിച്ചേർത്തു.

Show Full Article
TAGS:Acid attack Madhya Pradesh Delhi Commission For Women 
News Summary - Woman forced to drink acid by husband in MP
Next Story