വഴിചോദിക്കാനെന്ന വ്യാജേനയെത്തി ലൈംഗികോപദ്രവം; ​പ്രതിയെ കൈകാര്യം ചെയ്​ത്​ ​െപാലീസി​ൽ ഏൽപ്പിച്ച്​ പെൺകുട്ടി

ഗുവാഹത്തി: വഴിചോദിക്കാനെന്ന വ്യാജേനയെത്തി ലൈംഗികോപദ്രവത്തിന്​ ശ്രമിച്ചയാ​െള കൈകാര്യം ചെയ്​തശേഷം ​െപാലീസിൽ ഏൽപ്പിച്ച്​​​ പെൺകുട്ടി. അസം ദിസ്​പൂർ പൊലീസ്​ സ്​റ്റേഷൻ പരിധിയിലെ രുഗ്​മിണി നഗർ പ്രദേശത്ത്​ വെള്ളിയാഴ്ചയാണ്​​​ സംഭവം.

റോഡിൽവെച്ച്​ വഴിചോദിക്കാനെന്ന വ്യാജേന പ്രതി പെൺകു​ട്ടിയുടെ സമീപമെത്തുകയായിരുന്നു. സ്​ഥലം അറിയില്ലെന്ന്​ 20കാരി പറഞ്ഞെങ്കിലും മറുപടി കേട്ടില്ലെന്ന രീതിയിൽ ഇയാൾ പെൺകുട്ടിയുടെ അടുത്തേക്ക്​ വന്നു. ശേഷം പെൺകുട്ടിയുടെ ദേഹത്ത്​ കടന്നുപിടിച്ചു. ഇതോടെ താൻ ഞെട്ടിപ്പോയെന്ന്​ ​െപൺകുട്ടി പൊലീസിനോട്​ പറഞ്ഞു.

എന്നാൽ, നിമിഷങ്ങൾക്കകം ധൈര്യം വീ​െണ്ടടുത്തു പ്രതിരോധിക്കാൻ ശ്രമിച്ചു. ഇതോടെ ഇയാൾ സ്​കൂട്ടറിൽ കയറി രക്ഷപ്പെടാൻ ശ്രമിക്കുകയായിരുന്നു. എന്നാൽ, ധൈര്യം കൈവിടാതെ സ്​കൂട്ടർ സമീപത്തെ ഓടയിലേക്ക്​ തള്ളിയിട്ടു. പ്രതിയെ പിടികൂടിയശേഷം ബഹളം വെച്ച്​ ആളെക്കൂട്ടി. ശേഷം പൊലീസിൽ വിവരം അറിയിക്കുകയായിരുന്നുവെന്നും പെൺകുട്ടി​ പൊലീസിൽ പറഞ്ഞു.

പെൺകുട്ടി യുവാവിനെ മർദ്ദിക്കുന്നതും പേര്​ പറയാനും മുഖം കാമറക്ക്​ ​മുമ്പിൽ കൊണ്ടുവരാനും ശ്രമിക്കുന്ന വിഡിയോ ദൃശ്യങ്ങൾ സമൂഹമാധ്യമങ്ങളിൽ​ വൈറലായിരുന്നു.

താൻ ആയോധന കലകൾ പഠിച്ചിട്ടുണ്ടെന്നും അതിനാലാണ്​ സ്വയം പ്രതിരോധത്തിന്​ സാധിച്ചതെന്നും ഇത്​ സാഹചര്യം ധൈര്യത്തോടെ കൈകാര്യം ചെയ്യാൻ സാധിച്ചുവെന്നും പെൺകുട്ടി പറഞ്ഞു.

പൊലീസെത്തി പ്രതിയെ കസ്റ്റഡിയിലെടുത്തു. സ്​ത്രീ സുരക്ഷ കണക്കിലെടുത്ത്​ പ്രതിക്കെതിരെ ഗുരുതര വകുപ്പുകൾ ചുമത്ത​ുമെന്നും പൊലീസ്​ പറഞ്ഞു.