വിൽപനക്കെത്തിച്ച നാലുകിലോ കഞ്ചാവുമായി സ്ത്രീ അറസ്റ്റിൽ

കോ​ഴി​ക്കോ​ട്: ന​ഗ​ര​ത്തി​ലേ​ക്ക് വി​ൽ​പ​ന​ക്കാ​യി കൊ​ണ്ടു​വ​ന്ന ക​ഞ്ചാ​വു​മാ​യി സ്ത്രീ ​പി​ടി​യി​ൽ. നി​ര​വ​ധി ല​ഹ​രി കേ​സു​ക​ളി​ൽ പ്ര​തി​യാ​യ വെ​സ്റ്റ്ഹി​ൽ കോ​നാ​ട് ബീ​ച്ച് ചേ​ക്ര​യി​ൽ വ​ള​പ്പി​ൽ സി.​പി. ഖ​മ​റു​ന്നീ​സ​യെ​യാ​ണ് കോ​ഴി​ക്കോ​ട് സി​റ്റി നാ​ർ​കോ​ട്ടി​ക് സെ​ൽ അ​സി. ക​മീ​ഷ​ണ​ർ കെ.​എ. ബോ​സി​ന്റെ നേ​തൃ​ത്വ​ത്തി​ലു​ള്ള ഡാ​ൻ​സാ​ഫ് ടീ​മും എ​സ്.​ഐ ബി. ​സു​ലൈ​മാ​ന്റെ നേ​തൃ​ത്വ​ത്തി​ലു​ള്ള ടൗ​ൺ പൊ​ലീ​സും ചേ​ർ​ന്ന് അ​റ​സ്റ്റു​ചെ​യ്ത​ത്.

മം​ഗ​ളൂ​രു​വി​ൽ​നി​ന്ന് ട്രെ​യി​ൻ മാ​ർ​ഗം വി​ൽ​പ​ന​ക്കാ​യി കൊ​ണ്ടു​വ​ന്ന 4.331 കി​ലോ ക​ഞ്ചാ​വു​മാ​യി റെ​യി​ൽ​വേ സ്റ്റേ​ഷ​ൻ റോ​ഡി​ൽ​നി​ന്ന് വ്യാ​ഴാ​ഴ്ച രാ​വി​ലെ​യാ​ണ് ഇ​വ​രെ പി​ടി​കൂ​ടി​യ​ത്. ഷോ​ൾ​ഡ​ർ ബാ​ഗി​ലാ​ണ് ക​ഞ്ചാ​വ് സൂ​ക്ഷി​ച്ചി​രു​ന്ന​ത്. മു​മ്പ് 80.500 ഗ്രാം ​ബ്രൗ​ൺ ഷു​ഗ​റും ര​ണ്ടു​കി​ലോ ക​ഞ്ചാ​വു​മാ​യി പി​ടി​യി​ലാ​യ​തി​ന് കു​ന്ദ​മം​ഗ​ലം പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ പ്ര​തി അ​ഞ്ചു​വ​ർ​ഷം ജ​യി​ൽ ശി​ക്ഷ ല​ഭി​ച്ചി​ട്ടു​ണ്ട്.

കൂ​ടാ​തെ കോ​ഴി​ക്കോ​ട് എ​ക്സൈ​സി​ൽ മൂ​ന്ന് ക​ഞ്ചാ​വ് കേ​സു​മു​ണ്ട്. ക​ഴി​ഞ്ഞ വ​ർ​ഷം നാ​ലു​കി​ലോ ക​ഞ്ചാ​വു​മാ​യി കോ​യ​മ്പ​ത്തൂ​ർ പൊ​ലീ​സും അ​റ​സ്റ്റു​ചെ​യ്തി​രു​ന്നു. ഈ ​കേ​സി​ൽ ജാ​മ്യ​ത്തി​ലി​റ​ങ്ങി വീ​ണ്ടും ല​ഹ​രി ക​ച്ച​വ​ടം തു​ട​ങ്ങു​ക​യാ​യി​രു​ന്നു. ഏ​റെ​നാ​ളാ​യി ഖ​മ​റു​ന്നീ​സ ഡാ​ൻ​സാ​ഫ് ടീ​മി​ന്റെ നി​രീ​ക്ഷ​ണ​ത്തി​ലാ​യി​രു​ന്നു. ജി​ല്ല​യി​ലെ വി​വി​ധ ഭാ​ഗ​ങ്ങ​ളി​ലു​മാ​യി വീ​ടു​ക​ൾ വാ​ട​ക​ക്കെ​ടു​ത്താ​ണ് ഇ​വ​ർ ല​ഹ​രി ക​ച്ച​വ​ടം ന​ട​ത്തു​ന്ന​തെ​ന്ന് പൊ​ലീ​സ് പ​റ​ഞ്ഞു.

ഡാ​ൻ​സാ​ഫ് അം​ഗ​ങ്ങ​ളാ​യ എ​സ്.​ഐ മ​നോ​ജ് എ​ട​യേ​ട​ത്ത്, എ.​എ​സ്.​ഐ അ​നീ​ഷ് മു​സേ​ൻ​വീ​ട്, കെ. ​അ​ഖി​ലേ​ഷ്, സു​നോ​ജ് കാ​ര​യി​ൽ, പി.​കെ. സ​രു​ൺ കു​മാ​ർ, എം.​കെ. ല​തീ​ഷ്, എം. ​ഷി​നോ​ജ്, പി. ​അ​ഭി​ജി​ത്ത്, ഇ.​വി. അ​തു​ൽ, ടി.​കെ. തൗ​ഫീ​ഖ്, പി.​കെ. ദി​നീ​ഷ്, കെ.​എം. മു​ഹ​മ്മ​ദ് മ​ഷ്ഹൂ​ർ, ടൗ​ൺ സ്റ്റേ​ഷ​നി​ലെ എ​സ്.​ഐ​മാ​രാ​യ ഷ​ബീ​ർ, മ​നോ​ജ്, എ​സ്.​സി.​പി.​ഒ ശ്രീ​ജേ​ഷ്, സി​ജി​ൽ, സു​ബി​നി, രാ​ജ്കു​മാ​ർ വ​നി​ത സ്റ്റേ​ഷ​നി​ലെ സ്മി​ത ബെ​ഹ​ൻ, ല​ജി​ഷ എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്.