വിവാഹേതര ബന്ധം; ഭാര്യയും മകളും ചേർന്ന് ജ്വല്ലറി വ്യാപാരിയെ കൊലപ്പെടുത്തി

ഗാസിയാബാദ്: വിവാഹേതര ബന്ധത്തിന്റെ പേരിൽ ഭാര്യയും മകളും ചേർന്ന് ജ്വല്ലറി വ്യാപാരിയെ കൊലപ്പെടുത്തി. സഞ്ജയ്നഗർ സെക്ടർ 23ൽ താമസിക്കുന്ന അമിത് വർമ ​​(40) ആണ് കൊല്ലപ്പെട്ടത്.

വഴക്കിനിടെ ഭാര്യ ശാലു അമിത് വർമയെ കല്ലുകൊണ്ട് തലക്കടിക്കുകയായിരുന്നു. കൃത്യത്തിന് ശേഷം മൃതദേഹം കാറിൽ കയറ്റിയ ശേഷം ഒന്നര കിലോമീറ്റർ അകലെ ഉപേക്ഷിക്കുകയായിരുന്നു.

ഞായറാഴ്ച രാവിലെയാണ് കാറിനുള്ളിൽ നിന്നായി മൃതദേഹം കണ്ടെത്തിയത്. അമിത് വർമയുടെ വീട്ടിൽ നിന്ന് രക്തപുരണ്ട കല്ലും തുണിയും പൊലീസ് കണ്ടെത്തി. തുടർന്ന് ഭാര്യയേയും മകളേയും ചോദ്യം ചെയ്തപ്പോഴാണ് കൊലപാതകം വ്യക്തമായത്. ഇരുവരേയും പൊലീസ് അറസ്റ്റ് ചെയ്തു.