കണ്ണൂരിൽ വിമുക്തഭടൻ കുത്തേറ്റു മരിച്ച നിലയില്‍

കണ്ണൂർ: പെരിങ്ങോം പൊലീസ് സ്‌റ്റേഷന്‍ പരിധിയിലെ പെരുമ്പടവില്‍ വിമുക്തഭടനെ കിടപ്പുമുറിയില്‍ കഴുത്തിനു മുറിവേറ്റു മരിച്ച നിലയില്‍ കണ്ടെത്തി. പെരുമ്പടവ് മന്നുകുന്നിലെ ഫ്രാന്‍സിസ് (ലാലി -48) ആണ് മരിച്ചത്. ഇന്ന് രാവിലെ ആറോടെയാണ് മരണവിവരം പുറത്തറിഞ്ഞത്. പെരിങ്ങോം പൊലീസ് സ്ഥലത്തെത്തി തുടര്‍ നടപടികള്‍ സ്വീകരിച്ചു. കണ്ണൂരില്‍ നിന്നും ഫോറന്‍സിക് വിദഗ്ധരും ഡോഗ് സ്‌ക്വാഡും സ്ഥലത്തെത്തി തെളിവുകള്‍ ശേഖരിച്ചു. മൃതദേഹം പരിയാരം മെഡിക്കല്‍ കോളജിലേക്ക് മാറ്റി.