യുവതിയുടെ അസ്വാഭാവികമരണം കൊലപാതകം; പ്രതി അറസ്​റ്റിൽ

പത്തനംതിട്ട: യുവതിയുടെ അസ്വാഭാവിക മരണം ക്രൈംബ്രാഞ്ചി​െൻറ അന്വേഷണത്തിൽ കൊലപാതകമെന്ന് തെളിഞ്ഞു. മല്ലപ്പള്ളിയിൽ 26കാരി തൂങ്ങിമരിച്ച നിലയിൽ കാണപ്പെട്ട സംഭവത്തിൽ പെരുമ്പെട്ടി പൊലീസ് 2019ൽ രജിസ്​റ്റർ ചെയ്ത കേസാണ് കൊലപാതകമാണെന്ന്​ തെളിഞ്ഞത്. മല്ലപ്പള്ളി കൊട്ടാങ്ങൽ പുളിമൂട്ടിൽ വീട്ടിൽ നെയ്‌മോൻ എന്ന നസീറാണ്​ (39) പ്രതി. ഇയാളെ ജില്ല ക്രൈംബ്രാഞ്ച് ഡിവൈ.എസ്.പി ജെ. ഉമേഷ്‌ കുമാർ അറസ്​റ്റ്​ ചെയ്ത്​ കോടതിയിൽ ഹാജരാക്കി റിമാൻഡ്​​ ചെയ്തു. വീട്ടിലെ കിടപ്പുമുറിയിൽ ബലപ്രയോഗത്തിലൂടെ കീഴ്പ്പെടുത്താനുള്ള ശ്രമത്തിനിടെ കട്ടിലിൽ തലയിടിപ്പിച്ച് അബോധാവസ്ഥയിലായ സ്​ത്രീയെ ക്രൂരമായി ബലാത്സംഗം ചെയ്​തു. തുടർന്ന് മുറിയുടെ മേൽക്കൂരയിലെ ഇരുമ്പ് ഹൂക്കിൽ കെട്ടിത്തൂക്കി കൊലപ്പെടുത്തുകയായിരുന്നെന്ന് ജില്ല ക്രൈംബ്രാഞ്ചി​െൻറ അന്വേഷണത്തിൽ തെളിഞ്ഞു.

2019 ഡിസംബർ 15ന്​ പകലാണ്​ സംഭവം. തൂങ്ങിമരണം എന്ന നിലക്കായിരുന്നു ലോക്കൽ പൊലീസി​െൻറ പ്രാഥമികാന്വേഷണം. ഭർത്താവിനെ ഉപേക്ഷിച്ച് ആറുമാസമായി കാമുകനൊപ്പം താമസിച്ചുവരുകയായിരുന്നു. സംഭവദിവസം യുവതി മാത്രമേ വീട്ടിലുണ്ടായിരുന്നുള്ളൂ.

കോട്ടയം മെഡിക്കൽ കോളജ് ആശുപത്രിയിൽ നടത്തിയ പോസ്​റ്റ്​മോർട്ടത്തിൽ ശരീരത്തിൽ 53 മുറിവുകൾ ക​െണ്ടത്തുകയും ബലാത്സംഗത്തിന്​ ഇരയായതായി വ്യക്തമാകുകയും ചെയ്തു​. യുവതിയുടെ നഖത്തിൽനിന്ന്​ ലഭിച്ച ഡി.എൻ.എ അടിസ്ഥാനമാക്കി നടത്തിയ പരിശോധനയിലാണ്​ പ്രതിയെ പിടികൂടിയത്​. ഡിവൈ.എസ്.പി വി.ജെ. ജോഫിയുടെ നേതൃത്വത്തിൽ യുവതിയുടെ വീടിനുസമീപം കണ്ട സംശയിക്കപ്പെട്ട മൂന്നുപേരിൽ കേന്ദ്രീകരിക്കുകയും തുടർച്ചയായി ചോദ്യംചെയ്യുകയും ചെയ്​തു. യുവതിയുടെ നഖങ്ങളിൽ കണ്ടെത്തിയ ഡി.എൻ.എയുമായി നസീറി​െൻറ ഡി.എൻ.എയുടെ സാമ്യം ശാസ്ത്രീയ പരിശോധനയിൽ തെളിഞ്ഞതോടെയാണ്​ കൊലപാതകത്തി​െൻറ ചുരുളഴിഞ്ഞത്​.

കാമുകനും അയാളുടെ പിതാവും വീട്ടിൽനിന്ന്​ രാവിലെ പുറത്തുപോയശേഷം എത്തിയ നസീർ വീട്ടിൽ കടന്ന് യുവതി​​െയ ലൈംഗികപീഡനത്തിന് വിധേയയാക്കുകയാണുണ്ടായതെന്ന്​ ചോദ്യംചെയ്യലിൽ സമ്മതിച്ചു. യുവതി എതിർത്തപ്പോൾ തല കട്ടിൽപടിയിൽ ഇടിപ്പിച്ചു. തുടർന്ന് ബോധരഹിതയായ യുവതിയെ കൊല്ലണമെന്ന ഉദ്ദേശത്തോടെ മേൽക്കൂരയിലെ ഇരുമ്പ് ഹുക്കിൽ വെള്ളമുണ്ട് ഉപയോഗിച്ച് കെട്ടിത്തൂക്കുകയുമായിരു​െന്നന്നും ചോദ്യംചെയ്യലിൽ സമ്മതിച്ചു.