ബൈക്ക് മോഷണക്കേസിൽ രണ്ട്​ യുവാക്കൾ അറസ്റ്റിൽ

കൊ​ര​ട്ടി: കൊ​ര​ട്ടി​യി​ൽ ബൈ​ക്ക് മോ​ഷ​ണ​ക്കേ​സി​ൽ ര​ണ്ട് യു​വാ​ക്ക​ൾ അ​റ​സ്റ്റി​ൽ. മൂ​ക്ക​ന്നൂ​ർ കാ​ഞ്ഞൂ​ക്കാ​ര​ൻ മി​ജോ (20), എ​ട​ക്കു​ന്ന് ഏ​നാ​ശ്ശേ​രി അ​ഭി​ജി​ത്ത് (20) എ​ന്നി​വ​രാ​ണ് പി​ടി​യി​ലാ​യ​ത്.

ഏ​ഴി​നാ​ണ് കേ​സി​നാ​സ്പ​ദ​മാ​യ സം​ഭ​വം. മാ​മ്പ്ര സ്വ​ദേ​ശി ശ​ബ​രി​നാ​ഥ് എ​റ​ണാ​കു​ള​ത്ത് ജോ​ലി​ക്ക് പോ​കു​ന്ന സ​മ​യം പൊ​ങ്ങം ഓ​ട്ടോ​റി​ക്ഷ സ്റ്റാ​ൻ​ഡി​ന്​ സ​മീ​പം പാ​ർ​ക്ക് ചെ​യ്ത ബൈ​ക്ക്​ മോ​ഷ​ണം പോ​യി​രു​ന്നു. പ​രാ​തി​യെ​ത്തു​ട​ർ​ന്ന് അ​ന്വേ​ഷ​ണം ആ​രം​ഭി​ച്ച പൊ​ലീ​സ് നി​ര​വ​ധി സി.​സി ടി.​വി​ക​ളും മ​റ്റും പ​രി​ശോ​ധി​ച്ചെ​ങ്കി​ലും കൂ​ടു​ത​ൽ വി​വ​ര​ങ്ങ​ൾ ല​ഭി​ക്കാ​ത്ത​തി​നെ​ത്തു​ട​ർ​ന്ന് സ​മൂ​ഹ​മാ​ധ്യ​മം​വ​ഴി തി​ര​യു​ക​യാ​യി​രു​ന്നു. ഇ​ൻ​സ്റ്റ​ഗ്രാ​മി​ൽ മോ​ഷ​ണം​പോ​യ വാ​ഹ​ന​ത്തി​ന്റെ ചി​ത്രം മോ​ഷ്ടാ​ക്ക​ൾ അ​പ്​​ലോ​ഡ് ചെ​യ്ത​ത്​ ക​ണ്ടെ​ത്തി. അ​തി​ന​ടു​ത്ത് ക​ണ്ട മ​റ്റൊ​രു ബൈ​ക്കി​ന്‍റെ ഉ​ട​മ​സ്ഥ​നെ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ്‌ പ്ര​തി​ക​ൾ പി​ടി​യി​ലാ​യ​ത്.

ചാ​ല​ക്കു​ടി ഡി​വൈ.​എ​സ്.​പി സി.​ആ​ർ. സ​ന്തോ​ഷി​ന്റെ നി​ർ​ദേ​ശ​പ്ര​കാ​രം കൊ​ര​ട്ടി എ​സ്.​എ​ച്ച്.​ഒ ബി.​കെ. അ​രു​ണി​ന്റെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. എ​സ്.​ഐ സി.​എ​സ്. സൂ​ര​ജ്, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ പി.​കെ. സ​ജീ​ഷ്​ കു​മാ​ർ, ജി​ബി​ൻ വ​ർ​ഗീ​സ് എ​ന്നി​വ​രും സം​ഘ​ത്തി​ലു​ണ്ടാ​യി​രു​ന്നു.