കൊച്ചിയിൽ രണ്ട് കിലോ ഹാഷിഷ് ഒായിൽ പിടികൂടി, ഒരാൾ കസ്റ്റഡിയിൽ

കൊച്ചി: പുതുവത്സരാഘോഷത്തിന് കൊച്ചിയിലെത്തിച്ച രണ്ട് കിലോ ഹാഷിഷ് ഒായിൽ പിടികൂടി. ബംഗളൂരു-കൊച്ചി സർവീസ് നടത്തുന്ന സ്വകാര്യ ബസിലാണ് ഹാഷിഷ് ഒായിൽ കടത്തിയത്. സംഭവത്തിൽ കാക്കനാട് സ്വദേശിയെ കസ്റ്റഡിയിലെടുത്തു.

വിശാഖപട്ടണത്തു നിന്നാണ് ഹാഷിഷ് ഒായിൽ വാങ്ങിയതെന്ന് അറസ്റ്റിലായ ആൾ പൊലീസിന് മൊഴി നൽകി. ഇടപ്പള്ളിയിൽവെച്ച് മറ്റൊരാൾക്ക് കൈമാറാനായിരുന്നു പദ്ധതിയെന്ന് പൊലീസ് പറയുന്നു.

അന്തർ സംസ്ഥാന സർവീസ് നടത്തുന്ന ബസുകളിൽ ലഹരിമരുന്ന് കടത്താൻ സാധ്യതയുണ്ടെന്ന സന്ദേശത്തെ തുടർന്ന് എറണാകുളം റൂറൽ എസ്.പിയുടെ പ്രത്യേക സംഘം പരിശോധന നടത്തിയത്. അങ്കമാലി കേന്ദ്രീകരിച്ച് അന്തർ സംസ്ഥാന സർവീസ് നടത്തുന്ന ബസുകളിൽ പരിശോധന പൊലീസ് ഊർജിതപ്പെടുത്തിയിട്ടുണ്ട്.