കടുവ സംരക്ഷണ പ്രവർത്തകനും സുഹൃത്തിനും നേരെ ആക്രമണം; മൂന്നുപേർ അറസ്​റ്റിൽ

ബംഗളൂരു: കർണാടകയിൽ പ്രമുഖ കടുവ സംരക്ഷണ പ്രവർത്തകനും സുഹൃത്തിനും നേരെ ആക്രമണം. ചിക്കമംഗളൂർ ജില്ലയിൽവെച്ച്​ ഡി.വി. ഗിരീഷും സുഹൃത്തുമാണ്​ ആക്രമണത്തിന്​ ഇരയായത്​. തിങ്കളാഴ്​ച വൈകിട്ട്​ വനപ്രദേശത്തുകൂടി സഞ്ചരിക്കു​േമ്പാഴായിരുന്നു ആക്രമണം.

സംഭവത്തിൽ മൂന്നുപേരെ പൊലീസ്​ അറസ്​റ്റ്​ ചെയ്​തു. ഗിരീഷിനെയും സുഹൃത്തിനെയും ഒരു കൂട്ടം യുവാക്കൾ മർദിക്കുന്നതി​െൻറ ദൃശ്യങ്ങൾ പുറത്തുവന്നിരുന്നു. ദൃശ്യങ്ങളുടെ അടിസ്​ഥാനത്തിലാണ്​ അറസ്​റ്റ്​.

ഗിരീഷിനും സുഹൃത്തിനുമൊപ്പം 17വയസായ മകളുമുണ്ടായിരുന്നു. പ്രായപൂർത്തിയാകാത്ത മകൾക്കെതിരെ യുവാക്കൾ മോശം പരാമർശങ്ങൾ നടത്തിയതായും നിയമനടപടിയുമായി മുന്നോട്ടുപോകുമെന്നും ഗീരീഷ്​ അറിയിച്ചു.

യുവാക്കൾ മദ്യപിച്ചിരുന്നതായാണ്​ വിവരം. മൂന്നുകിലോമീറ്ററോളം ഇവരുടെ കാറിനെ യുവാക്കൾ പിന്തുടർന്നിരുന്നു. തുടർന്ന്​ കല്ലുകൾ വാഹനത്തിന്​ നേരെ എടിക്കുകയും അടിക്കുകയുമായിരുന്നു. സംഭവത്തിൽ നാട്ടുകാർ ഇടപെടുകയും പൊലീസിനെ അറിയിക്കുകയും ചെയ്​തു.

തുടർന്ന്​, ഗിരീഷി​െൻറ പരാതിയിൽ പൊലീസ്​ ​േകസെടുത്ത്​ മൂന്ന​ുപേരെ അറസ്​റ്റ്​ ചെയ്യുകയായിരുന്നു. മൂന്നുപേരെ കണ്ടെത്താനുണ്ടെന്നും അന്വേഷണവുമായി മുന്നോട്ടുപോകുകയാണെന്നും പൊലീസ്​ ഉദ്യോഗസ്​ഥനായ അക്ഷയ്​ അറിയിച്ചു.