മാ​ല​ക്ക​ള്ള​ൻ പിടിയിൽ; നി​ർ​ണാ​യ​ക​മാ​യത് ബ​സി​ലെ ദൃ​ശ്യം

കാ​ഞ്ഞ​ങ്ങാ​ട്: ക​ഴി​ഞ്ഞ 15ന് ​പ​ട​ന്ന​ക്കാ​ട് നി​ന്നും ന​ട​ന്നു​പോ​വു​ക​യാ​യി​രു​ന്ന വീ​ട്ട​മ്മ​യു​ടെ സ്വ​ർ​ണ​മാ​ല പി​ടി​ച്ചു​പ​റി​ച്ച് ക​ട​ന്ന പ്ര​തി​യെ പൊ​ലീ​സ് അ​റ​സ്റ്റ് ചെ​യ്തു. ഹോ​സ്ദു​ർ​ഗ് പൊ​ലീ​സ് ഇ​ൻ​സ്പെ​ക്ട​ർ എം.​പി. ആ​സാ​ദി​ന്‍റെ നേ​തൃ​ത്വ​ത്തി​ൽ സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ ഷൈ​ജു വെ​ള്ളൂ​ർ, അ​ജി​ത്ത് ക​ക്ക​റ, അ​നീ​ഷ് നാ​പ്പ​ച്ചാ​ൽ എ​ന്നി​വ​ർ ചേ​ർ​ന്നാ​ണ് വി​ദ​ഗ്ധ​മാ​യ അ​ന്വേ​ഷ​ണ​ത്തി​ലൂ​ടെ പ്ര​തി​യെ കു​ടു​ക്കി​യ​ത്. നെ​ല്ലി​ക്ക​ട്ട ചെ​ന്ന​ടു​ക്ക​യി​ലെ സി.​എം. ഇ​ബ്രാ​ഹിം ഖ​ലീ​ലാ​ണ് (43) അ​റ​സ്റ്റി​ലാ​യ​ത്. വൈ​കീ​ട്ട് ആ​യു​ർ​വേ​ദ ആ​ശു​പ​ത്രി റോ​ഡി​ലൂ​ടെ ന​ട​ന്നു​പോ​വു​ക​യാ​യി​രു​ന്ന

വീ​ട്ട​മ്മ​യു​ടെ സ്വ​ർ​ണ​മാ​ല ബൈ​ക്കി​ലെ​ത്തി​യ പ്ര​തി പൊ​ട്ടി​ച്ചെ​ടു​ത്ത് ക​ട​ന്നു​ക​ള​ഞ്ഞു. അ​ജാ​നൂ​ർ ഇ​ട്ട​മ്മ​ലി​ലെ പ​രേ​ത​നാ​യ നാ​രാ​യ​ണ​ന്‍റെ ഭാ​ര്യ സ​രോ​ജി​നി​യു​ടെ (65) ആ​ഭ​ര​ണ​മാ​ണ് ത​ട്ടി​യെ​ടു​ത്ത​ത്. മൂ​ന്ന​ര​പ്പ​വ​ൻ ആ​ഭ​ര​ണ​മാ​യി​രു​ന്നു ക​വ​ർ​ന്ന​ത്. ക​റു​ത്ത കോ​ട്ട് ധ​രി​ച്ചെ​ത്തി​യ പ്ര​തി മാ​ല പൊ​ട്ടി​ച്ചെ​ന്ന വി​വ​രം മാ​ത്ര​മാ​ണ് തു​ട​ക്ക​ത്തി​ൽ പൊ​ലീ​സി​ന് ല​ഭി​ച്ച​ത്. ഈ ​കേ​സി​ൽ പ്ര​ദേ​ശ​ത്തു​ള്ള സി.​സി.​ടി.​വി കാ​മ​റ​ക​ൾ പ​രി​ശോ​ധി​ച്ചെ​ങ്കി​ലും തു​മ്പു​കി​ട്ടി​യി​ല്ല.

ക​റു​ത്ത കോ​ട്ട് ധ​രി​ച്ച് ബൈ​ക്കി​ൽ ക​ട​ന്ന പ്ര​തി സ​ഞ്ച​രി​ച്ച റൂ​ട്ട് ക​ണ്ടെ​ത്താ​നാ​യി പി​ന്നീ​ട് പൊ​ലീ​സ് ശ്ര​മം. 43 കി​ലോ​മീ​റ്റ​ർ സി.​സി.​ടി.​വി കാ​മ​റ​ക​ളെ പി​ന്തു​ട​ർ​ന്ന് നൂ​റി​ലേ​റെ കാ​മ​റ​ക​ൾ പ​രി​ശോ​ധി​ച്ചെ​ങ്കി​ലും പ്ര​തി​യെ തി​രി​ച്ച​റി​യു​ന്ന ഒ​രു​ചി​ത്ര​വും കി​ട്ടി​യി​ല്ല. സ്വ​കാ​ര്യ സ്ഥാ​പ​ന​ത്തി​ലെ സി.​സി.​ടി.​വി​ദൃ​ശ്യം പ​രി​ശോ​ധി​ക്കു​ന്ന​തി​നി​ടെ സ്വ​കാ​ര്യ ബ​സി​നെ മ​റി​ക​ട​ന്നു​പോ​കു​ന്ന കോ​ട്ട് ധ​രി​ച്ച മോ​ഷ്ടാ​വി​ന്‍റെ ദൃ​ശ്യം കാ​ണാ​നി​ട​യാ​യ​ത് അ​ന്വേ​ഷ​ണ​ത്തി​ൽ വ​ഴി​ത്തി​രി​വാ​യി. ബ​സി​നെ തേ​ടി​പ്പി​ടി​ച്ച അ​ന്വേ​ഷ​ണ​സം​ഘം ബ​സി​ലെ സി.​സി.​ടി.​വി കാ​മ​റ പ​രി​ശോ​ധി​ച്ച​തോ​ടെ കൂ​ടു​ത​ൽ വ്യ​ക്ത​ത​യു​ള്ള ചി​ത്രം കി​ട്ടി. തു​ട​ർ​ന്ന് പ്ര​തി ചെ​ർ​ക്ക​ള​വ​രെ എ​ത്തി​യ​താ​യും തു​ട​ർ​ന്ന് ബ​ദി​യ​ഡു​ക്ക​യി​ലെ​ത്തി​യ​താ​യും ക​ണ്ടെ​ത്തി. ഇ​വി​ടെ ക​ട​യി​ൽ ക​യ​റി സാ​ധ​നം വാ​ങ്ങു​ന്ന സ​മ​യം കോ​ട്ടും ഹെ​ൽ​മ​റ്റും ഊ​രി​യ​തോ​ടെ ഇ​വി​ടെ​യു​ള്ള സി.​സി.​ടി.​വി​യി​ൽ പ്ര​തി​യു​ടെ മു​ഖം തി​രി​ച്ച​റി​യു​ക​യാ​യി​രു​ന്നു. തു​ട​ർ​ന്ന് പ്ര​തി​യു​ടെ പേ​രു​വി​വ​ര​വും മൊ​ബൈ​ൽ ന​മ്പ​റും നാ​ട്ടു​കാ​രു​ടെ സ​ഹാ​യ​ത്തോ​ടെ മ​ന​സ്സി​ലാ​ക്കി. സൈ​ബ​ർ സെ​ല്ലി​ന്‍റെ സ​ഹാ​യ​ത്തോ​ടെ പ്ര​തി വീ​ട്ടി​ലു​ണ്ടെ​ന്ന് മ​ന​സ്സി​ലാ​ക്കി​യ പൊ​ലീ​സ് ഞാ​യ​റാ​ഴ്ച പു​ല​ർ​ച്ചെ വീ​ട്ടി​ലെ​ത്തി പ്ര​തി​യെ അ​റ​സ്റ്റ് ചെ​യ്തു.

കാ​ഞ്ഞ​ങ്ങാ​ട്ടെ​ത്തി​ച്ച പ്ര​തി​യെ കോ​ട​തി​യി​ൽ ഹാ​ജ​രാ​ക്കി. മും​ബൈ​യി​ൽ ക​ള്ള​നോ​ട്ട് കേ​സു​മാ​യി അ​റ​സ്റ്റി​ലാ​യ പ്ര​തി എ​ട്ടു​വ​ർ​ഷം ജ​യി​ൽ​ശി​ക്ഷ അ​നു​ഭ​വി​ച്ചി​ട്ടു​ണ്ടെ​ന്ന് പൊ​ലീ​സ് പ​റ​ഞ്ഞു. ക​ട​ബാ​ധ്യ​ത തീ​ർ​ക്കാ​നാണ് പി​ടി​ച്ചു​പ​റി തി​ര​ഞ്ഞെ​ടു​ത്ത​തെ​ന്നാ​ണ് ചോ​ദ്യം​ചെ​യ്യ​ലി​ൽ പൊ​ലീ​സ് പ​റ​ഞ്ഞ​ത്. കാ​ഞ്ഞ​ങ്ങാ​ട്ടെ​ത്തി മൂ​ന്ന് ദി​വ​സ​മാ​യ പ്ര​തി കാ​ഞ്ഞ​ങ്ങാ​ടും പ​രി​സ​ര​ങ്ങ​ളി​ലും ക​റ​ങ്ങി ന​ട​ന്ന​ശേ​ഷ​മാ​ണ് സ​രോ​ജി​നി​യു​ടെ ആ​ഭ​ര​ണം ക​വ​ർ​ന്ന​ത്.

ഹോ​സ്ദു​ർ​ഗ് പൊ​ലീ​സി​ന്‍റെ ചോ​ദ്യം​ചെ​യ്യ​ലി​ൽ ജി​ല്ല​യി​ൽ ന​ട​ന്ന ഒ​മ്പ​ത് പി​ടി​ച്ചു​പ​റി​ക​ൾ​ക്ക് പി​ന്നി​ലും ഇ​തേ പ്ര​തി​യാ​ണെ​ന്ന് വ്യ​ക്ത​മാ​യി.

ക​ഴി​ഞ്ഞ ഒ​രു​വ​ർ​ഷ​മാ​യി പൊ​ലീ​സി​ന്‍റെ ഉ​റ​ക്കം​കെ​ടു​ത്തി​യ പ്ര​തി​യാ​ണ് പി​ടി​യി​ലാ​യ​ത്. കൂ​ലി​പ്പ​ണി​യെ​ടു​ത്ത് സ​മ്പാ​ദി​ച്ച സ്വ​ർ​ണ​മാ​ല തി​രി​ച്ചു​കി​ട്ടി​യ സ​ന്തോ​ഷ​ത്തി​ലാ​ണ് സ​രോ​ജി​നി​യ​മ്മ. അ​തി​വി​ദ​ഗ്ധ​മാ​യ അ​ന്വേ​ഷ​ണ​ത്തി​ലൂ​ടെ കു​പ്ര​സി​ദ്ധ പി​ടി​ച്ചു​പ​റി​ക്കാ​ര​നെ പി​ടി​കൂ​ടാ​നാ​യ സ​ന്തോ​ഷ​ത്തി​ലാ​ണ് പൊ​ലീ​സും.