പൊഴുതനയിൽ മോഷണം പതിവാകുന്നു; നാ​ലുമാ​സ​ത്തി​നി​ട​യി​ൽ നാ​ലി​ട​ങ്ങ​ളി​ൽ ക​വ​ർ​ച്ച

പൊ​ഴു​ത​ന: പൊ​ഴു​ത​ന പ​ഞ്ചാ​യ​ത്തി​ൽ മോ​ഷ​ണം പ​തി​വാ​കു​ന്നു. പ​ല​സ്ഥ​ല​ങ്ങ​ളി​ലാ​യി മോ​ഷ​ണം ന​ട​ന്നി​ട്ടും ഇ​തു​വ​രെ ക​ള്ള​നെ പി​ടി​കൂ​ടാ​നാ​യി​ട്ടി​ല്ല. വീ​ടു​ക​ളും ക​ട​ക​ളും ക്ഷേ​ത്ര​ങ്ങ​ളും കേ​ന്ദ്രീ​ക​രി​ച്ച് ക​വ​ർ​ച്ച പ​തി​വാ​യ​തോ​ടെ രാ​ത്രി​കാ​ല​ങ്ങ​ളി​ൽ പ്ര​ദേ​ശ​ത്തെ ജ​ന​ങ്ങ​ളു​ടെ സ​മാ​ധാ​നം ന​ഷ്ട​പ്പെ​ട്ട അ​വ​സ്ഥ​യാ​ണു​ള്ള​ത്.

ക​ഴി​ഞ്ഞദി​വ​സം പു​ല​ർ​​െച്ച ആ​നോ​ത്ത് ജ​ങ്ഷ​നി​ൽ ആ​ളി​ല്ലാ​ത്ത വീ​ട് കു​ത്തി​തു​റ​ന്ന് ക​ള്ള​ന്മാ​ർ സാ​ധ​ന​ങ്ങ​ൾ മോ​ഷ്ടി​ച്ചു. മം​ഗ​ര​തൊ​ടി ആ​ഷ്റ​ഫി​ന്റെ വീ​ട്ടി​ൽ കു​ടും​ബം ആ​ശു​പ​ത്രി​യി​ൽ പോ​യ​പ്പോ​ഴാ​ണ് മോ​ഷ്ടാ​ക്ക​ൾ വീ​ട്കു​ത്തി പൊ​ളി​ച്ച​ത്. ക​ഴി​ഞ്ഞ നാലുമാ​സ​ത്തി​നി​ട​യി​ൽ പൊ​ഴു​ത​ന പ​ഞ്ചാ​യ​ത്തി​ലെ നാ​ലോ​ളം സ്ഥ​ല​ങ്ങ​ളി​ലാ​ണ് ക​ള്ള​ൻ ക​യ​റി​യ​ത്.

ഒ​രാ​ഴ്ച മു​മ്പ് അ​ത്തി​മൂ​ല കാ​ര​റ്റ ശി​വ​ക്ഷേ​ത്രം കു​ത്തിപ്പൊ​ളി​ച്ചു അ​യ്യാ​യി​രം രൂ​പ​യോ​ളം ക​വ​ർ​ന്നി​രു​ന്നു.

ഇ​തി​ന് പു​റ​മെ അ​ച്ചൂ​ർ സ്വ​ദേ​ശി​യാ​യ റാ​ഫി എ​ന്ന വ്യാ​പാ​രി​യു​ടെ ഇൻഷാ എ​ന്ന പേ​രി​ലു​ള്ള മൊ​ബൈ​ൽ ഷോ​പ്പ് കു​ത്തി​തു​റ​ന്ന മോ​ഷ്‌​ടാ​ക്ക​ൾ ല​ക്ഷക്ക​ണ​ക്കി​ന് രൂ​പ​യു​ടെ മെ​ബൈ​ൽ ഫോ​ണുകളും 1500 രൂ​പ​യും ക​വ​ർ​ന്നു. അ​ടു​ത്തി​ടെ ന​ട​ന്ന മോ​ഷ​ണ​ങ്ങ​ളി​ൽ വ​ലി​യ രീ​തി​യി​ൽ ന​ട​ന്ന​തും മൊ​ബൈ​ൽ ഷോ​പ്പി​ലെ ക​വ​ർ​ച്ച​യാ​ണ്.

ഇ​വ​രു​ടെ സി.​സി. ടി.​വി​യി​ൽ മോ​ഷ​ണം ന​ട​ത്തു​ന്ന​തി​ന്‍റെ ദൃ​ശ്യ​ങ്ങ​ൾ പ​തി​ഞ്ഞി​രു​ന്നു. മോ​ഷ​ണം ന​ട​ത്തു​ന്ന​തി​ന്‍റെ ദൃ​ശ്യ​ങ്ങ​ൾ ല​ഭി​ച്ച് ദി​വ​സ​ങ്ങ​ൾ പി​ന്നി​ട്ടി​ട്ടും മോ​ഷ്ടാ​ക്ക​ളെ പി​ടി​കൂ​ടാ​നാ​യി​ട്ടി​ല്ല.

ദി​വ​സ​ങ്ങ​ങ്ങ​ൾ​ക്ക് മു​മ്പ് അ​ച്ചൂ​ർ 22 ൽ ​നി​ർ​ത്തി​യി​ട്ട കാ​ർ ത​ക​ർ​ക്കു​ക​യും വ്യാ​പാ​രി​യു​ടെ പ​ണം ക​വ​രു​ക​യും ചെ​യ്തു. പ്ര​ദേ​ശ​ത്ത് മോ​ഷ​ണം തു​ട​ർ​ക്ക​ഥ​യാ​യി​ട്ടും ക​ള്ള​ന്മാ​രെ പി​ടി​ക്കാ​ത്ത​തി​ൽ ജ​ന​ങ്ങ​ൾ​ക്കി​ട​യി​ൽ പ്ര​തി​ഷേ​ധം വ്യാ​പ​ക​മാ​ണ്.

മോ​ഷ്ടാ​ക്ക​ളെ പി​ടി​കൂ​ടി പ്ര​ദേ​ശ​ത്തെ സ്വൈ​ര​ജീ​വി​തം തി​രി​ച്ചു​കൊ​ണ്ടു​വ​രാ​ൻ അ​ധി​കൃ​ത​ർ ആ​വ​ശ്യ​മാ​യ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

മോ​ഷ​ണം പ​തി​വാ​യ പൊ​ഴു​ത​ന പ​ഞ്ചാ​യ​ത്തി​ലെ വി​വി​ധ​യി​ട​ങ്ങ​ളി​ൽ രാ​ത്രി​കാ​ല പൊ​ലീ​സ് പ​ട്രോ​ളി​ങ് ഊ​ർ​ജി​ത​മാ​ക്ക​ണ​മെ​ന്ന ആ​വ​ശ്യ​വും ഉ​യ​രു​ന്നു​ണ്ട്.