കാണിക്കവഞ്ചി തകർത്ത് പണം കവർന്നു

കട്ടപ്പന: കൊച്ചുകാമാക്ഷി എസ്.എൻ.ഡി.പി യോഗം അമ്പലത്തിന്റെ കാണിക്കവഞ്ചി തകർത്ത് പണം അപഹരിച്ചു. ശനിയാഴ്ച രാത്രിയാണ് സംഭവം. പണം അപഹരിച്ച ശേഷം കാണിക്കവഞ്ചിക്ക് കേടുപാട് വരുത്തുകയും ചെയ്തു. തങ്കമണി പൊലീസ് സ്ഥലത്തെത്തി അന്വേഷണം തുടങ്ങി.

ചെമ്പകപ്പാറ കൊച്ചുകാമാക്ഷിയിലും പരിസരങ്ങളിലും മോഷ്ടാക്കളുടെ ശല്യം വർധിച്ചുവരുകയാണ്. നിരവധി മോഷണങ്ങളാണ് കഴിഞ്ഞ ഒരു വർഷത്തിനുള്ളിൽ ഈ മേഖലയിൽ നടന്നത്. ഈ പ്രദേശത്ത് രാത്രി പരിശോധന ശക്തമാക്കണമെന്ന് നാട്ടുകാർ ആവശ്യപ്പെട്ടു.