നാ​ഗ​മ്പ​ടം ജി.എസ്.ടി ഓഫിസിലെ മോഷണം: ബംഗളൂരു സ്വദേശികൾ അറസ്റ്റിൽ

കോ​ട്ട​യം: നാ​ഗ​മ്പ​ടം ജി.​എ​സ്.​ടി ഓ​ഫി​സി​ൽ ന​ട​ന്ന മോ​ഷ​ണ​വു​മാ​യി ബ​ന്ധ​പ്പെ​ട്ട് ര​ണ്ടു​പേ​രെ പൊ​ലീ​സ് അ​റ​സ്റ്റ് ചെ​യ്തു. ബം​ഗ​ളൂ​രു സ്വ​ദേ​ശി​ക​ളാ​യ ഗ​ണേ​ഷ് ഭ​ട്ട് (31), കൃ​പാ​ൽ കോ​ലി (48) എ​ന്നി​വ​രാ​ണ് അ​റ​സ്റ്റി​ലാ​യ​ത്. ക​ഴി​ഞ്ഞ​മാ​സം 23ന് ​നാ​ഗ​മ്പ​ട​ത്തെ ജി.​എ​സ്.​ടി ഓ​ഡി​റ്റി​ങ്​ ഓ​ഫി​സ് ക​മ്പി​വ​ടി ഉ​പ​യോ​ഗി​ച്ച് കു​ത്തി​ത്തു​റ​ന്ന് അ​ല​മാ​ര​യി​ൽ സൂ​ക്ഷി​ച്ചി​രു​ന്ന ലാ​പ്ടോ​പ്പും ടാ​ബു​ക​ളും മോ​ഷ്​​ടി​ച്ചി​രു​ന്നു.

പ​രാ​തി​യെ​ത്തു​ട​ർ​ന്ന് വെ​സ്റ്റ് പൊ​ലീ​സ് കേ​സ് ര​ജി​സ്റ്റ​ർ ചെ​യ്യു​ക​യും ജി​ല്ല പൊ​ലീ​സ് മേ​ധാ​വി കെ. ​കാ​ർ​ത്തി​ക്കി​ന്‍റെ നേ​തൃ​ത്വ​ത്തി​ൽ പ്ര​ത്യേ​ക അ​ന്വേ​ഷ​ണ​സം​ഘം രൂ​പ​വ​ത്​​ക​രി​ച്ച്​ ന​ട​ത്തി​യ ശാ​സ്ത്രീ​യ​മാ​യ അ​ന്വേ​ഷ​ണ​ത്തി​നൊ​ടു​വി​ൽ മോ​ഷ​ണം പോ​യ ടാ​ബു​ക​ളു​മാ​യി ഇ​രു​വ​രെ​യും പൊ​ലീ​സ് സം​ഘം ബം​ഗ​ളൂ​രു​വി​ൽ​നി​ന്ന്​ പി​ടി​കൂ​ടു​ക​യു​മാ​യി​രു​ന്നു. മോ​ഷ്ടാ​വി​ന് ഒ​പ്പം ചേ​ർ​ന്ന് മോ​ഷ​ണ​മു​ത​ൽ വി​ൽ​ക്കാ​ൻ സ​ഹാ​യി​ച്ച​തി​നാ​ണ് ഗ​ണേ​ഷ് ഭ​ട്ടി​നെ പൊ​ലീ​സ് പി​ടി​കൂ​ടു​ന്ന​ത്.

മോ​ഷ​ണ​മു​ത​ൽ വാ​ങ്ങി​യ​തി​നാ​ണ് കൃ​പാ​ൽ കോ​ലി​യെ അ​റ​സ്റ്റ് ചെ​യ്ത​ത്. മു​ഖ്യ മോ​ഷ്ടാ​വി​നു​വേ​ണ്ടി തി​ര​ച്ചി​ൽ ശ​ക്ത​മാ​ക്കി​യ​താ​യും പൊ​ലീ​സ് പ​റ​ഞ്ഞു.കോ​ട്ട​യം വെ​സ്റ്റ് എ​സ്.​എ​ച്ച്.​ഒ പ്ര​ശാ​ന്ത് കു​മാ​ർ കെ.​ആ​ർ, എ​സ്.​ഐ സ​ജി​കു​മാ​ർ, സി.​പി.​ഒ​മാ​രാ​യ ശ്യാം ​എ​സ്. നാ​യ​ർ, ഷൈ​ൻ ത​മ്പി, സ​ല​മോ​ൻ എ​ന്നി​വ​രും അ​ന്വേ​ഷ​ണ​സം​ഘ​ത്തി​ൽ ഉ​ണ്ടാ​യി​രു​ന്നു. ഇ​രു​വ​രെ​യും കോ​ട​തി​യി​ൽ ഹാ​ജ​രാ​ക്കി.