വീടിന്‍റെ ജനൽപാളികൾ മുറിച്ചുമാറ്റി മോഷണം

പന്തളം: വീടിന്‍റെ ജനൽപാളികൾ മുറിച്ചുമാറ്റി അകത്തു കയറിയ മോഷ്ടാക്കൾ ഇൻവെർട്ടറിന്‍റെ ബാറ്ററിയും ഓട്ടുപാത്രവും ചെമ്പുകലവും മോഷ്ടിച്ചു. കുരമ്പാല പെരുമ്പുളിക്കൽ ഇന്ദ്രാലയത്തിൽ തങ്കമ്മ ടീച്ചറിന്‍റെ (95) വീട്ടിലാണ് മോഷണം നടന്നത്. തനിച്ചു താമസിക്കുന്ന ടീച്ചർ പകലു മാത്രമേ വീട്ടിലുണ്ടാവാറുള്ളൂ.

രാത്രി ബന്ധുവീട്ടിലാണ് അന്തിയുറങ്ങുന്നത്.തിങ്കളാഴ്ച രാവിലെ വീട്ടിലെത്തിയപ്പോഴാണ് മോഷണ വിവരം ശ്രദ്ധയിൽപെട്ടത്. പന്തളം പൊലീസും വിരലടയാള വിദഗ്ധരും എത്തിയിരുന്നു.