ക്ഷേത്രങ്ങളിൽ മോഷണം; പ്രതി പിടിയിൽ
text_fieldsകൊച്ചി: ക്ഷേത്രങ്ങളിൽ സ്ഥിരമായി മോഷണം നടത്തുന്ന കേസിലെ പ്രതി എളമക്കര പൊലീസിെൻറ പിടിയിലായി. വാത്തുരുത്തി നികർത്തിൽ ഹൗസിൽ ജയിംസ് ബാബുവാണ് (60) പിടിയിലായത്. 27 ന് ഇടപ്പള്ളി തൃക്കോവിൽ ക്ഷേത്രത്തിൽനിന്നും ഓട്ടു പാത്രങ്ങൾ മോഷ്ടിച്ച കേസിലാണ് അറസ്റ്റ് ചെയ്തത്. സി.സി.ടി.വി ദൃശ്യങ്ങൾ പരിശോധിച്ച പൊലീസിന് പ്രതിയുടെ ഏകദേശ രൂപം ലഭിച്ചു. തുടർന്ന് അടുത്ത ദിവസങ്ങളിൽ നടത്തിയ പട്രോളിങ്ങിൽ സമാനരൂപമുള്ള വ്യക്തിയെ കണ്ടതിനെ തുടർന്ന് ചോദ്യം ചെയ്യലിൽ പ്രതി കുറ്റം സമ്മതിക്കുകയായിരുന്നു. കോടതിയിൽ ഹാജരാക്കി റിമാൻഡ് ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.