കോതമംഗലത്ത് വിദ്യാർഥി​നിയെ വെടിവെച്ച്​ കൊന്ന ശേഷം യുവാവ്​ ആത്​മഹത്യ ചെയ്​തു

കോതമംഗലം: വിദ്യാർഥിനിയെ കോളജിന്​ സമീപത്തെ താമസ സ്ഥലത്ത്​ വെടിവെച്ച്​ ​െകാന്നശേഷം യുവാവ്​ സ്വയം തലക്ക്​ വെടിവെച്ച്​ മരിച്ചു. കോതമംഗലം നെല്ലിക്കുഴി ഇന്ദിര ഗാന്ധി കോളജിൽ ബി.ഡി.എസ് പൂർത്തിയാക്കി ഹൗസ്​ സർജൻസി ചെയ്യുന്ന കണ്ണൂർ നാറാത്ത് രണ്ടാം മൈൽ പാർവണം പി.വി. മാനസയാണ് (24) കൊല്ലപ്പെട്ടത്. കണ്ണൂർ സ്വദേശി തന്നെയായ പാലയാട് മേലൂർ രാഹുൽ നിവാസിൽ രാഖിൽ പി. രഘൂത്തമൻ (31) ആണ് അക്രമി.

വെള്ളിയാഴ്ച വൈകീട്ട്​ മൂന്നിനുശേഷമാണ് കേരളത്തെ നടുക്കിയ സംഭവം​. മാനസയും മൂന്ന് കൂട്ടുകാരികളും ഭക്ഷണം കഴിക്കുന്നതിനിടെ​ കെട്ടിടത്തിൽ അതിക്രമിച്ച് കയറിയ രാഖിൽ യുവതിയെ തൊട്ടടുത്ത മുറിയിലേക്ക്​ കൂട്ടിക്കൊണ്ടുപോയി വാതിലടച്ചശേഷം പിസ്​റ്റൾ ഉപയോഗിച്ച്​ വെടിയുതിർക്കുകയായിരു​െന്നന്നാണ്​ പൊലീസ്​ നൽകുന്ന വിവരം. വെടിയൊച്ചയും കൂട്ടുകാരികളുടെ കരച്ചിലും കേട്ട്​ ഹോസ്​റ്റലിനോട്​ ചേർന്ന്​ താമസിക്കുന്ന ഉടമയും സമീപവാസികളും ഓടിയെത്തി മുറിയുടെ വാതിൽ തകർത്ത് ആശുപത്രിയിൽ എത്തിക്കുകയായിരുന്നു.

Also Read:മാനസ മരിച്ചതറിയാതെ പിതാവ് എറണാകുളത്തേക്ക്

ആശുപത്രിയിൽ എത്തിച്ചപ്പോഴേക്കും മരിച്ചു. മാനസക്ക്​ തലക്കും നെഞ്ചിനുമാണ്​ വെടിയേറ്റത്​. മൃതദേഹങ്ങൾ കോതമംഗലം മാർ ബസേലിയോസ് ആശുപത്രി മോർച്ചറിയിൽ​. പോസ്​റ്റ്​മോർട്ടത്തിന്​ ശനിയാഴ്​ച എറണാകുളം ഗവ. മെഡിക്കൽ കോളജ്​ ആശുപത്രിയിലേക്ക്​ മാറ്റും.

നെല്ലിക്കുഴി ഇന്ദിര ഗാന്ധി കോളജിലാണ്​ മാനസ ബി.ഡി.എസ് പൂർത്തിയാക്കിയത്​. ഒരു വർഷത്തോളമായി ഈ കെട്ടിടത്തിലാണ്​ മാനസ കൂട്ടുകാരികൾക്കൊപ്പം താമസിക്കുന്നത്​.

മാനസയും രാഖിലും ഇൻസ്​റ്റഗ്രാമിലൂടെയാണ്​ പരിചയപ്പെട്ടത്​. രാഖിൽ ഇതി​െൻറ പേരിൽ ശല്യം ചെയ്യാൻ തുടങ്ങിയപ്പോൾ വീട്ടിൽ അറിയിച്ചതായാണ്​ പൊലീസ്​ അന്വേഷണത്തിൽ കണ്ടെത്തിയത്​. തലശ്ശേരി പൊലീസിൽ പരാതി നൽകിയതിനെത്തുടർന്ന്​ ഇരുവരുടെയും വീട്ടുകാരെ വിളിച്ചുവരുത്തി ഒത്തുതീർപ്പാക്കിയിരുന്നു. പിന്നീട്​ ഇവർ തമ്മിൽ ബന്ധമുണ്ടായിരു​ന്നില്ലെന്നാണ്​ പ്രാഥമികാന്വേഷണത്തിൽ ബോധ്യമായത്​. ഈ മാസം നാല്​ മുതൽ മാനസ താമസിക്കുന്ന കെട്ടിടത്തി​െൻറ 100 മീറ്റർ മാത്രം അകലെ മറ്റൊരിടത്ത്​ മുറിയെടുത്ത്​ രാഖിൽ താമസിച്ചുവരുകയായിരുന്നെന്ന്​ കണ്ടെത്തിയിട്ടുണ്ട്​. ​മാനസ അറിയാതെ നിരീക്ഷിക്കുകയും ​പിന്തുടരുകയും ചെയ്​ത ഇയാൾ അവസരം നോക്കി ആരുമറിയാതെ ഹോസ്​റ്റലിലെത്തി കൃത്യം നിർവഹിക്കുകയായിരുന്നെന്നാണ്​ നിഗമനം.

Also Read:തുടരെ രണ്ട്​ വെടിയൊച്ചകൾ, ഉച്ച ഭക്ഷണം പാതി കഴിച്ച്​ മാനസയും രാഹിലും പോയത്​ മരണത്തിലേക്ക്; വിറങ്ങലിച്ച്​ നെല്ലിക്കുഴി

സംഭവത്തെത്തുടർന്ന്​ എറണാകുളം റൂറൽ ജില്ല പൊലീസ് മേധാവി കെ. കാർത്തിക്, മൂവാറ്റുപുഴ ഡിവൈ.എസ്.പി മുഹമ്മദ് റിയാസ്, കോതമംഗലം ഇൻസ്പെക്ടർ വി.എസ്. വിബിൻ, എസ്.ഐ മാഹിൻ സലീം എന്നിവരുടെ നേതൃത്വത്തിൽ പൊലീസ് സ്ഥലത്തെത്തി നടപടി സ്വീകരിച്ചു.