സെലീന വധക്കേസ്​ വിചാരണ ഇന്ന് തുടങ്ങും

മു​ട്ടം: അ​ടി​മാ​ലി 14-ാം മൈ​ലി​ൽ ച​രു​വി​ള പു​ത്ത​ൻ​വീ​ട്ടി​ൽ അ​ബ്​​ദു​ൽ സി​യാ​ദി​​ന്‍റെ ഭാ​ര്യ (41) സെ​ലീ​ന​യെ കു​ത്തി​ക്കൊ​ല​പ്പെ​ടു​ത്തു​ക​യും തു​ട​ർ​ന്ന് മാ​റി​ടം മു​റി​ച്ചു​മാ​റ്റു​ക​യും ചെ​യ്​​ത കേ​സി​ന്‍റെ വി​ചാ​ര​ണ തി​ങ്ക​ളാ​ഴ്ച ആ​രം​ഭി​ക്കും. പ്ര​തി തൊ​ടു​പു​ഴ വ​ണ്ട​മ​റ്റം പ​ടി​ക്കു​ഴി​യി​ൽ ഗി​രോ​ഷും (35) കൊ​ല്ല​പ്പെ​ട്ട സെ​ലീ​ന​യും ത​മ്മി​ലെ സാ​മ്പ​ത്തി​ക ഇ​ട​പാ​ടി​ലെ ത​ർ​ക്ക​മാ​ണ് കൊ​ല​പാ​ത​ക​ത്തി​ന് കാ​ര​ണ​മെ​ന്നാ​ണ് പ്രോ​സി​ക്യൂ​ഷ​ൻ ക​ണ്ടെ​ത്ത​ൽ.

സെ​ലീ​ന താ​ൻ അ​ഡ്വ​ക്ക​റ്റും ഫാ​മി​ലി കൗ​ൺ​സ​ല​റും ആ​ണെ​ന്ന്​ പ​റ​ഞ്ഞാ​ണ്​ ഗി​രോ​ഷി​നെ പ​രി​ച​യ​പ്പെ​ടു​ന്ന​ത്. പ​ല ത​വ​ണ​യാ​യി സെ​ലീ​ന 1,08,000 രൂ​പ​യോ​ളം ഗി​രോ​ഷി​ൽ​നി​ന്ന് കൈ​വ​ശ​പ്പെ​ടു​ത്തി​യ​താ​യി ​അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​രു​ന്നു. കൂ​ടാ​തെ സെ​ലീ​ന​യു​ടെ ഉ​ട​മ​സ്ഥ​ത​യി​ലു​ള്ള കാ​ർ ഗി​രോ​ഷി​ന്‍റെ പേ​രി​ലേ​ക്ക്​ മാ​റ്റി​യെ​ടു​പ്പി​ച്ച ശേ​ഷം ഗി​രോ​ഷി​ന്‍റെ അ​മ്മ​യെ​യും കൂ​ട്ടു​കാ​ര​നെ​യും ജാ​മ്യം നി​ർ​ത്തി ഗി​രോ​ഷി​ന്‍റെ പേ​രി​ൽ സെ​ലീ​ന ര​ണ്ട് ല​ക്ഷം രൂ​പ ലോ​ൺ എ​ടു​ത്തു. പി​ന്നീ​ട്​ തു​ക അ​ട​ക്കാ​തെ കു​ടി​ശ്ശി​ക വ​രു​ത്തി. ഇ​തു​മൂ​ല​മു​ള്ള പ​ക​യാ​ണ്​ കൊ​ല​പാ​ത​ക​ത്തി​ലേ​ക്ക്​ ന​യി​ച്ച​തെ​ന്നാ​ണ്​ പ്രോ​സി​ക്യൂ​ഷ​ൻ പ​റ​യു​ന്ന​ത്. സം​ഭ​വ​ദി​വ​സം സെ​ലീ​ന​യു​ടെ വീ​ട്ടി​ലെ​ത്തി​യ ഗി​രോ​ഷ് മു​റ്റ​ത്ത് തു​ണി ക​ഴു​കി​ക്കൊ​ണ്ടി​രു​ന്ന ഇ​വ​രോ​ട്​ ത​ന്‍റെ ഭാ​ര്യ​യെ ആ​ശു​പ​ത്രി​യി​ലാ​ക്കാ​ൻ പ​ണം ആ​വ​ശ്യ​പ്പെ​ട്ടെ​ങ്കി​ലും സെ​ലീ​ന ന​ൽ​കി​യി​ല്ല.

തു​ട​ർ​ന്നു​ണ്ടാ​യ ത​ർ​ക്ക​ത്തി​നി​ടെ സെ​ലീ​ന​യു​ടെ ക​ഴു​ത്തി​ലും ശ​രീ​ര​ത്തി​ന്‍റെ പ​ല​ഭാ​ഗ​ത്തും ഗി​രോ​ഷ് പി​ച്ചാ​ത്തി​കൊ​ണ്ട് കു​ത്തി​ക്കൊ​ല​പ്പെ​ടു​ത്തി. ശേ​ഷം പു​റ​ത്തി​റ​ങ്ങി നാ​ഷ​ന​ൽ ഹൈ​വേ​യി​ലെ​ത്തി പ​രി​സ​രം വീ​ക്ഷി​ച്ച ശേ​ഷം ബൈ​ക്കി​ൽ വീ​ണ്ടും സം​ഭ​വ​സ്ഥ​ല​ത്തെ​ത്തി സെ​ലീ​ന​യു​ടെ മൃ​ത​ദേ​ഹ​ത്തി​ൽ​നി​ന്ന്​ ഇ​ട​തു മാ​റി​ടം പി​ച്ചാ​ത്തി​കൊ​ണ്ട് മു​റി​ച്ചെ​ടു​ത്ത് പൊ​തി​ഞ്ഞ് ബാ​ഗി​ലാ​ക്കി ഗി​രോ​ഷി​ന്‍റെ കു​റു​മ്പാ​ല​മ​റ്റ​ത്തു​ള്ള വീ​ട്ടി​ൽ ഒ​ളി​പ്പി​ച്ചു. ശേ​ഷം പി​ച്ചാ​ത്തി ക​ഴു​കി തെ​ളി​വു​ക​ൾ ന​ശി​പ്പി​ച്ചെ​ന്നാ​ണ്​ ഗി​രോ​ഷി​നെ​തി​രെ​യു​ള്ള കു​റ്റാ​രോ​പ​ണം.

മ​ത്സ്യ​വ്യാ​പാ​രി​യാ​യ സെ​ലീ​ന​യു​ടെ ഭ​ർ​ത്താ​വ് രാ​ത്രി 7.45ന്​​​ ​വീ​ട്ടി​ൽ എ​ത്തി​യ​പ്പോ​ഴാ​ണ് ഉ​ച്ച​ക്ക്​ ന​ട​ന്ന സം​ഭ​വം പു​റ​ത്ത​റി​യു​ന്ന​ത്. സ​മീ​പ​ത്തെ ക​ട​യി​ലെ നി​രീ​ക്ഷ​ണ കാ​മ​റ പ​രി​ശോ​ധി​ച്ചാ​ണ്​ പൊ​ലീ​സ്​ പ്ര​തി​യു​ടെ ദൃ​ശ്യ​ങ്ങ​ൾ ക​ണ്ട​ത്. ഗി​രോ​ഷ്​ വീ​ട്ടി​ലെ​ത്തി​യ​തും മ​ട​ങ്ങു​ന്ന​തും കാ​മ​റ​യി​ൽ പ​തി​ഞ്ഞി​രു​ന്നു.

മൊ​ബൈ​ൽ ട​വ​ർ പി​ൻ​തു​ട​ർ​ന്ന്​ പൊ​ലീ​സ് പി​റ്റേ​ന്ന് പു​ല​ർ​ച്ച​യോ​ടെ ഇ​യാ​ളെ ക​സ്​​റ്റ​ഡി​യി​ൽ എ​ടു​ത്തു. വീ​ട്ടി​ലെ​ത്തി​ച്ച്​ ന​ട​ത്തി​യ പ​രി​ശോ​ധ​ന​യി​ൽ മു​റി​ച്ചു​മാ​റ്റി​യ മാ​റി​ട​വും ക​ത്തി​യും ക​ണ്ടെ​ത്തി. അ​ടി​മാ​ലി പൊ​ലീ​സ്​ ഇ​ൻ​സ്പെ​ക്ട​റാ​യി​രു​ന്ന പി.​കെ. സാ​ബു​വാ​ണ് അ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ർ​പ്പി​ച്ച​ത്. ആ​കെ 59 സാ​ക്ഷി​ക​ളാ​ണു​ള്ള​ത്. പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ. ബി. ​സു​നി​ൽ ദ​ത്താ​ണ് പ്രോ​സി​ക്യൂ​ഷ​നു​വേ​ണ്ടി കോ​ട​തി​യി​ൽ ഹാ​ജ​രാ​കു​ന്ന​ത്.