തെങ്ങിൻ കുഴിയിൽ ജീർണിച്ച മൃതദേഹം; സിനിമ കഥയെ വെല്ലുന്ന വഴിത്തിരിവുകൾ

അ​ടൂ​ർ: തെ​ങ്ങി​ൻ കു​ഴി​യി​ൽ കാ​ണ​പ്പെ​ട്ട ജീ​ർ​ണി​ച്ച മൃ​ത​ദേ​ഹ​വും പൊ​ലീ​സ് അ​ന്വേ​ഷ​ണ​വും സു​ഹൃ​ത്തി​ന്‍റെ വെ​ളി​പ്പെ​ടു​ത്ത​ലും വ​ഴി​ത്തി​രി​വും​ സി​നി​മാ ക​ഥ​യെ വെ​ല്ലു​ന്ന​ത്. ഏ​നാ​ത്ത് പൊ​ലീ​സ് സ്റ്റേ​ഷ​ൻ പ​രി​ധി​യി​ലാ​ണ് സം​ഭ​വ​ങ്ങ​ൾ ന​ട​ന്ന​ത്.

ര​ണ്ടു സു​ഹൃ​ത്തു​ക്ക​ൾ പ​തി​വു​പോ​ലെ ഒ​രു​മി​ച്ച് മ​ദ്യ​പി​ക്കു​ന്ന​തി​നി​ടെ ഒ​രാ​ൾ കു​ഴ​ഞ്ഞു​വീ​ണു മ​രി​ച്ചു. ഭ​യ​ന്ന വീ​ട്ടു​ട​മ മൃ​ത​ദേ​ഹം വീ​ടി​ന് പി​ന്നി​ലെ തൈ​ത്തെ​ങ്ങി​ന്റെ ചു​വ​ട്ടി​ൽ മ​ണ്ണും പു​ല്ലും വാ​രി​യി​ട്ട് ചാ​ണ​ക വെ​ള്ളം ത​ളി​ച്ചു മൂ​ടി. മൂ​ന്നാം നാ​ൾ ദു​ർ​ഗ​ന്ധം വ​മി​ച്ച​പ്പോ​ൾ നാ​ട്ടു​കാ​രും പൊ​ലീ​സു​മെ​ത്തി മൃ​ത​ദേ​ഹം ക​ണ്ടെ​ടു​ത്തു. ഭ​യ​ന്ന് ഒ​ളി​വി​ൽ​പ്പോ​യ വീ​ട്ടു​ട​മ പി​ന്നീ​ട് സ്റ്റേ​ഷ​നി​ൽ ഹാ​ജ​രാ​യി താ​ൻ നി​ര​പ​രാ​ധി​യാ​ണെ​ന്നും മ​രി​ച്ച​ത് ആ​രാ​ണെ​ന്നും വെ​ളി​പ്പെ​ടു​ത്തി. എ​ന്നാ​ൽ, ഇ​യാ​ളു​ടെ മൊ​ഴി മ​രി​ച്ച​യാ​ളു​ടെ ബ​ന്ധു​ക്ക​ൾ അം​ഗീ​ക​രി​ക്കാ​തെ വ​ന്ന​തോ​ടെ മൃ​ത​ദേ​ഹം മോ​ർ​ച്ച​റി​യി​ൽ സൂ​ക്ഷി​ച്ച് ഡി.​എ​ൻ.​എ പ​രി​ശോ​ധ​ന ന​ട​ത്താ​ൻ തീ​രു​മാ​നി​ച്ചി​രി​ക്കു​ക​യാ​ണ്. ക്ലൈ​മാ​ക്സ് എ​ന്തെ​ന്ന​റി​യാ​ൻ കാ​ത്തി​രി​ക്കു​ക​യാ​ണ് ജ​നം. മ​ണ്ണ​ടി വേ​മ്പ​നാ​ട്ട് മു​ക്ക് അ​ജി​കു​മാ​റി​ന്റെ വേ​മ്പ​നാ​ട്ട​ഴി​ക​ത്ത് വീ​ടി​ന്റെ പി​ന്നി​ലെ പു​ര​യി​ട​ത്തി​ലാ​ണ് സെ​പ്റ്റം​ബ​ർ 14 ന് ​രാ​വി​ലെ എ​ട്ട​ര​യോ​ടെ മൃ​ത​ദേ​ഹം ക​ണ്ടെ​ത്തി​യ​ത്. അ​ഴു​കി​യ മൃ​ത​ദേ​ഹ​ത്തി​ൽ കാ​വി​കൈ​ലി മാ​ത്ര​മാ​ണു​ണ്ടാ​യി​രു​ന്ന​ത്.

കോ​ട്ട​യം മെ​ഡി​ക്ക​ൽ കോ​ള​ജി​ൽ പോ​സ്റ്റു​മോ​ർ​ട്ടം ന​ട​ത്തി​യ​പ്പോ​ൾ മ​ര​ണ കാ​ര​ണം ഹൃ​ദ​യാ​ഘാ​ത​മാ​ണെ​ന്ന് ക​ണ്ടെ​ത്തി. മു​ങ്ങി​യ അ​ജി ഈ ​വി​വ​രം അ​റി​ഞ്ഞ്​ ഏ​നാ​ത്ത് പൊ​ലീ​സ്​ സ്റ്റേ​ഷ​നി​ൽ ഹാ​ജ​രാ​യി മ​രി​ച്ച​ത് മ​ല​ങ്കാ​വ് സ്വ​ദേ​ശി മോ​ന​ച്ച​നാ​ണെ​ന്ന് വ്യ​ക്​​ത​മാ​ക്കി. അ​വി​വാ​ഹി​ത​നും അ​ല​ഞ്ഞു ന​ട​ക്കു​ന്ന​യാ​ളു​മാ​യ മോ​ന​ച്ച​ൻ അ​ജി​യു​ടെ വീ​ട്ടി​ൽ എ​ത്തി മ​ദ്യ​പി​ച്ചു. അ​ൽ​പം ക​ഴി​ഞ്ഞ​പ്പോ​ൾ വെ​ള്ളം ആ​വ​ശ്യ​പ്പെ​ട്ട മോ​ന​ച്ച​ൻ പി​ന്നാ​ലെ കു​ഴ​ഞ്ഞു വീ​ണെ​ന്നാ​ണ്​​​ അ​ജി​യു​ടെ മൊ​ഴി. മ​ദ്യ​പി​ച്ച് ബോ​ധം പോ​യ​താ​ണെ​ന്ന് ക​രു​തി പാ​യ വി​രി​ച്ച് മോ​ന​ച്ച​നെ കി​ട​ത്തി. പി​ന്നീ​ട് പു​റ​ത്തു​പോ​യി വ​ന്ന​പ്പോ​ൾ ശ​രീ​രം ത​ണു​ത്തു തു​ട​ങ്ങി​യി​രു​ന്നു. മ​രി​ച്ചു​വെ​ന്ന് മ​ന​സ്സി​ലാ​ക്കി​യ അ​ജി തെ​ങ്ങി​ൻ കു​ഴി​യി​ൽ കൊ​ണ്ടു​ത​ള്ളി. അ​ജി​യു​ടെ മൊ​ഴി​പ്ര​കാ​രം മ​രി​ച്ച​ത് മോ​ന​ച്ച​ൻ ത​ന്നെ​യെ​ന്ന് പൊ​ലീ​സ് സ്ഥി​രീ​ക​രി​ച്ചെ​ങ്കി​ലും ബ​ന്ധു​ക്ക​ൾ അം​ഗീ​ക​രി​ച്ചി​ട്ടി​ല്ല.