ഓൺലൈൻ ബുക്ക് ചെയ്ത സൗണ്ട് കാർഡിന് ലഭിച്ചത് പ്ലാസ്റ്റിക് കുപ്പി

കോതമംഗലം: ഓൺലൈൻ ബുക്ക് ചെയ്ത സൗണ്ട് കാർഡിന് ലഭിച്ചത് പ്ലാസ്റ്റിക് കുപ്പി. പിറവം സ്വദേശിയും കോതമംഗലം താലൂക്ക് ഓഫിസിലെ ജീവനക്കാരനുമായ ക്രിസ്റ്റോ തമ്പിയാണ് ആമസോൺ വഴി 14,999 രൂപ വിലയുള്ള സൗണ്ട് കാർഡിന് ഓർഡർ ചെയ്തത്. ജൂൺ 14നാണ് ഓർഡർ നൽകിയത്. ചൊവ്വാഴ്ച പാർസൽ ലഭിച്ചു. കൊറിയർ വഴി വന്ന പാർസൽ അഴിച്ചപ്പോഴാണ് പ്ലാസ്റ്റിക് കുപ്പി ലഭിച്ചത്. ബില്ലും ഡീറ്റെയിൽസും കൃത്യമായിരുന്നു. വിവരം കമ്പനിയെ ധരിപ്പിച്ചിട്ടുണ്ട്.