കാപ്പ നിയമം ലംഘിച്ചയാൾ അറസ്റ്റിൽ

ഏറ്റുമാനൂർ: കാപ്പ നിയമം ലംഘിച്ചയാൾ അറസ്റ്റിൽ. ഏറ്റുമാനൂര്‍-പട്ടിത്താനം ഭാഗത്ത്‌ കാട്ടിപ്പറമ്പില്‍ വീട്ടില്‍ നവാസാണ് (46) പിടിയിലായത്. ജില്ല പൊലീസ് മേധാവിയുടെ റിപ്പോർട്ടി‍െൻറ അടിസ്ഥാനത്തിൽ കാപ്പ നിയമ നടപടി നേരിട്ട് വരുകയായിരുന്നു.

യാത്രാവിവരങ്ങൾ കോട്ടയം ഡെപ്യൂട്ടി പൊലീസ് സൂപ്രണ്ടിനെ അറിയിക്കാതിരുന്നതിനെ തുടർന്ന് പിടികൂടുകയായിരുന്നു. അടിപിടി, കൊലപാതകശ്രമം ഉൾപ്പെടെ നിരവധി കേസ് നിലവിലുണ്ട്. എസ്.എച്ച്.ഒ സി.ആർ. രാജേഷ്കുമാർ, സി.പി.ഒമാരായ ഡെന്നി രഞ്ജിത്, സെഫുദ്ദീൻ എന്നിവർ ചേർന്നാണ് അറസ്റ്റ് ചെയ്തത്.