കാമുകിയെ വിവാഹം കഴിക്കാൻ മുത്തശ്ശിയുടെ മാല കവർന്നയാൾ പിടിയിൽ

തൃശൂ‍ര്‍: കാമുകിയെ വിവാഹം കഴിക്കാനുള്ള ചെലവ് കണ്ടെത്താൻ മുത്തശ്ശിയുടെ മാല കവർന്ന യുവാവ് അറസ്റ്റിൽ. ചാലക്കുടി അന്നനാട് സ്വദേശി ബെസ്റ്റിൻ (26) ആണ് പിടിയിലായത്. ചാലക്കുടി വെട്ടുകടവിൽ കഴിഞ്ഞ ശനിയാഴ്ചയായിരുന്നു സംഭവം. വെട്ടുകടവിൽ തനിച്ച് താമസിച്ചിരുന്ന മുത്തശ്ശിയുടെ വീട്ടിൽ മുഖം മൂടി ധരിച്ചെത്തിയ ബെസ്റ്റിൻ മാല കവരുകയായിരുന്നു.