എട്ടാം ക്ലാസുകാരിയെ ലഹരിക്കടത്തിന് ഉപയോഗിച്ച സംഭവം: അ​ധി​കൃ​ത​ർ​ക്ക് വീ​ഴ്ചയുണ്ടായോ?, ബാലാവകാശ കമീഷൻ തെളി​വെടുപ്പ് നാളെ

അ​ഴി​യൂ​രി​ലെ എട്ടാം ക്ലാസ് വി​ദ്യാ​ർ​ഥി​നി​യെ ല​ഹ​രി ന​ൽ​കി ല​ഹ​രി​ക്ക​ട​ത്തി​ന് ഉ​പ​യോ​ഗി​ച്ചെ​ന്ന പ​രാ​തി​യി​ൽ ബാ​ലാ​വ​കാ​ശ ക​മീ​ഷ​ൻ ചൊ​വ്വാ​ഴ്ച തെ​ളി​വെ​ടു​പ്പ് ന​ട​ത്തും. പൊ​ലീ​സി​നും സ്കൂ​ൾ അ​ധി​കൃ​ത​ർ​ക്കും സം​ഭ​വ​ത്തി​ൽ വീ​ഴ്ച സം​ഭ​വി​ച്ചെ​ന്ന് ചൂ​ണ്ടി​ക്കാ​ട്ടി കു​ട്ടി​യു​ടെ ബ​ന്ധു​ക്ക​ൾ വി​ദ്യാ​ഭ്യാ​സ മ​ന്ത്രി, മ​നു​ഷ്യാ​വ​കാ​ശ ക​മീ​ഷ​ൻ, ബാ​ലാ​വ​കാ​ശ ക​മീ​ഷ​ൻ ഉ​ൾ​പ്പെ​ടെ​യു​ള്ള​വ​ർ​ക്ക് പ​രാ​തി ന​ൽ​കി​യി​രു​ന്നു.

ഇതിന്റെ അടിസ്ഥാനത്തിലാണ് ബാ​ലാ​വ​കാ​ശ ക​മീ​ഷ​ന്റെ നടപടി. ജി​ല്ല വി​ദ്യാ​ഭ്യാ​സ ഓ​ഫി​സ​ർ, വ​ട​ക​ര, ചോ​മ്പാ​ല പൊ​ലീ​സ് എ​സ്.​എ​ച്ച്.​ഒ, സ്കൂ​ൾ പ്ര​ധാ​നാ​ധ്യാ​പ​ക​ൻ, പ്രി​ൻ​സി​പ്പ​ൽ, പി.​ടി.​എ ക​മ്മി​റ്റി, ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ്, സെ​ക്ര​ട്ട​റി, ജി​ല്ല ശി​ശു​ക്ഷേ​മ ഓ​ഫി​സ​ർ, ഐ.​സി.​ഡി.​എ​സ് സൂ​പ്പ​ർ​വൈ​സ​ർ തു​ട​ങ്ങി​യ​വ​രി​ൽ​നി​ന്നാ​ണ് ബാ​ലാ​വ​കാ​ശ ക​മീ​ഷ​ൻ തെ​ളി​വെ​ടു​പ്പ് ന​ട​ത്തു​ന്ന​ത്. ഇ​തു​സം​ബ​ന്ധി​ച്ച് നോ​ട്ടീ​സ് ബ​ന്ധ​പ്പെ​ട്ട​വ​ർ​ക്ക​യ​ച്ചു. വാ​ർ​ത്ത​ക​ളു​ടെ​യും മ​റ്റു പ​രാ​തി​ക​ളു​ടെ​യും അ​ടി​സ്ഥാ​ന​ത്തി​ലാ​ണ് ബാ​ലാ​വ​കാ​ശ ക​മീ​ഷ​ൻ കേ​സെ​ടു​ത്ത് അ​ന്വേ​ഷ​ണം ന​ട​ത്തു​ന്ന​ത്.

ക​ഴി​ഞ്ഞ ബു​ധ​നാ​ഴ്ച വി​ദ്യാ​ർ​ഥി​നി​യി​ൽ​നി​ന്നും അ​ഴി​യൂ​ർ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് ഐ​ഷ ഉ​മ്മ​ർ, ഗ്രാ​മ​പ​ഞ്ചാ​യ​ത്ത് അം​ഗം എ​ന്നി​വ​രി​ൽ​നി​ന്നും ശി​ശു​ക്ഷേ​മ സ​മി​തി മൊ​ഴി​യെ​ടു​ത്തിരുന്നു. കു​ട്ടി പൂ​ർ​ണ ആ​രോ​ഗ്യ​വ​തി​യ​ല്ലെ​ന്ന ക​ണ്ടെ​ത്ത​ലി​ൽ കൗ​ൺ​സ​ലി​ങ്ങും ചി​കി​ത്സ​യും ല​ഭ്യ​മാ​ക്കി വീ​ണ്ടും വി​വ​ര​ങ്ങ​ൾ തേ​ടാ​നാ​ണ് ശി​ശു​ക്ഷേ​മ സ​മി​തിയുടെ തീരുമാനം. സം​ഭ​വ​ത്തി​ൽ പൊ​ലീ​സ് അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്ന് പ​റ​യു​മ്പോ​ഴും കേ​സി​ന്റെ പൊലീസിനു ജാഗ്രതയില്ലെന്നാണ് ആക്ഷേപം.