ബസിടിച്ച് വഴിയാത്രക്കാരൻ മരിച്ച സംഭവം; ഡ്രൈവറെ രക്ഷപ്പെടാൻ സഹായിച്ച രണ്ടുപേർ കൂടി പിടിയിൽ

തോ​പ്പും​പ​ടി: ബ​സി​ടി​ച്ച് വ​ഴി യാ​ത്ര​ക്കാ​ര​നാ​യ ഇ​ട​ക്കൊ​ച്ചി സ്വ​ദേ​ശി ലോ​റ​ൻ​സ് വ​ർ​ഗീ​സ് മ​രി​ക്കാ​നി​ട​യാ​യ സം​ഭ​വ​ത്തി​ൽ അ​പ​ക​ടം വ​രു​ത്തി​യ ബ​സ് ഡ്രൈ​വ​ർ അ​ന​സി​ന്‍റെ ജാ​മ്യാ​പേ​ക്ഷ കോ​ട​തി ത​ള്ളി​യി​ട്ടും ഇ​യാ​ളെ പി​ടി​കൂ​ടാ​നാ​കാ​ത്ത​ത് പൊ​ലീ​സി​ന്​ ത​ല​വേ​ദ​ന​യാ​യി. സം​ഭ​വം ന​ട​ന്ന്​ 24 ദി​വ​സ​മാ​യി​ട്ടും ഇ​യാ​ളെ പി​ടി​കൂ​ടാ​നാ​കാ​ത്ത​ത് നാ​ണ​ക്കേ​ടു​മാ​യി​ട്ടു​ണ്ട്. ഇ​യാ​ൾ സം​സ്ഥാ​നം വി​ട്ടോ​യെ​ന്നും സം​ശ​യി​ക്കു​ന്നു​ണ്ട്. എ​ന്നാ​ൽ, അ​ന​സി​നെ ര​ക്ഷ​പ്പെ​ടാ​ൻ സ​ഹാ​യി​ച്ച ര​ണ്ടു​പേ​ർ കൂ​ടി പൊ​ലീ​സ്​ പി​ടി​യി​ലാ​യി. കാ​ക്ക​നാ​ട് ഇ​ട​ച്ചി​റ​ക്ക​ൽ വീ​ട്ടി​ൽ അ​ഷ്ക​ർ ബ​ക്ക​ർ (36), കാ​ക്ക​നാ​ട് ഇ​ട​ച്ചി​റ കെ.​എ​ച്ച്. അ​ഷ്ക​ർ (32) എ​ന്നി​വ​രെ​യാ​ണ് പൊ​ലീ​സ് ഇ​ൻ​സ്പെ​ക്ട​ർ എ​സ്. രാ​ജേ​ഷി​ന്റെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണം സം​ഘം അ​റ​സ്റ്റ് ചെ​യ്ത​ത്.

നേ​ര​ത്തേ കേ​സി​ൽ മൂ​ന്നു​പേ​ർ അ​റ​സ്​​റ്റി​ലാ​യി​രു​ന്നു. ഇ​തോ​ടെ സം​ഭ​വ​ത്തി​ൽ ഡ്രൈ​വ​റെ ര​ക്ഷ​പ്പെ​ടു​ത്താ​ൻ ശ്ര​മി​ച്ച​തി​ന് പി​ടി​യി​ലാ​യ​വ​രു​ടെ എ​ണ്ണം അ​ഞ്ചാ​യി. ഇ​തി​ൽ കാ​ക്ക​നാ​ട് തൃ​ക്കാ​ക്ക​ര സ്വ​ദേ​ശി ഇ.​എ. അ​ജാ​സി​നെ (36) കൊ​ച്ചി കോ​ട​തി റി​മാ​ൻ​ഡ്​ ചെ​യ്തി​രി​ക്കു​ക​യാ​ണ്. കാ​ക്ക​നാ​ട് വാ​ഴ​ക്കാ​ല സ്വ​ദേ​ശി ന​വാ​സ് (24), കാ​ക്ക​നാ​ട് മു​ണ്ട​ൻ പാ​ലം സ്വ​ദേ​ശി എ​ൻ.​എ. റ​ഫ്സ​ൽ (30) എ​ന്നി​വ​ർ​ക്ക് ഉ​പാ​ധി​ക​ളോ​ടെ കോ​ട​തി ജാ​മ്യം അ​നു​വ​ദി​ച്ചി​രു​ന്നു. ഇ​വ​ർ സ​ഞ്ച​രി​ച്ചി​രു​ന്ന കാ​റി​ൽ​നി​ന്ന് പി​ടി​ച്ചെ​ടു​ത്ത കേ​ര​ള സ്റ്റേ​റ്റ് 12 എ​ന്നെ​ഴു​തി​യ ബോ​ർ​ഡു​ക​ളും പ​ണ​മി​ട​പാ​ട് രേ​ഖ​ക​ളും സം​ബ​ന്ധി​ച്ച് കൂ​ടു​ത​ൽ അ​ന്വേ​ഷ​ണം ന​ട​ത്തു​ന്ന​തി​ന്​ പ്ര​തി അ​ജാ​സി​നെ ക​സ്റ്റ​ഡി​യി​ൽ വാ​ങ്ങാ​നു​ള്ള നീ​ക്ക​ത്തി​ലാ​ണ് പൊ​ലീ​സ്. ഡ്രൈ​വ​റെ പി​ടി​കൂ​ടു​ന്ന​തി​ന്​ മ​ട്ടാ​ഞ്ചേ​രി അ​സി.​ക​മീ​ഷ്ണ​ർ അ​രു​ൺ കെ. ​പ​വി​ത്ര​ന്റെ നി​ർ​ദേ​ശ​പ്ര​കാ​രം പ്ര​ത്യേ​ക അ​ന്വേ​ഷ​ണ സം​ഘ​ത്തെ​യാ​ണ് നി​യോ​ഗി​ച്ചി​രി​ക്കു​ന്ന​ത്.