വീടുകളിലെ ഗേറ്റുകൾ മോഷണം പോയി

ചെർപ്പുളശ്ശേരി: മഠത്തിപ്പറമ്പിലെ വീടുകളിലെ ഗേറ്റുകൾ മോഷണം പോയി. തിങ്കളാഴ്ച രാവിലെയാണ് ഇക്കാര്യം വീട്ടുകാരുടെ ശ്രദ്ധയിൽ പെട്ടത്. പത്ത് വീടുകളിലെ ഗേറ്റുകൾ നഷ്ടപ്പെട്ടിട്ടുണ്ട്. വാർഡ് കൗൺസിലർ അബ്ദുസലാം നൽകിയ പരാതിയുടെ അടിസ്ഥാനത്തിൽ പോലിസ് അന്വേഷണം ആരംഭിച്ചു. കഴിഞ്ഞ ദിവസങ്ങളിൽ ആൾതാമസമില്ലാത്ത ചിലവീടുകളിലേയും പറമ്പുകളിലേയും ഗേറ്റുകൾ നഷ്ടപെട്ടിരുന്നതായും കൗൺസിലർ പറഞ്ഞു.