പ്രവാസിയെ സുഹൃത്തായ യുവതിയും സംഘവും തട്ടിക്കൊണ്ടുപോയി സ്വർണവും പണവും കവര്‍ന്നു; ആറുപേര്‍ അറസ്റ്റിൽ

തിരുവനന്തപുരം: പ്രവാസിയെ തട്ടിക്കൊണ്ടുപോയി സ്വർണവും പണവും കവർന്ന സംഘം തിരുവനന്തപുരത്ത് അറസ്റ്റിൽ. തക്കല സ്വദേശി മുഹൈദിൻ അബ്ദുൾ ഖാദറിനെയാണ് ഒരു സംഘം തട്ടിക്കൊണ്ടുപോയത്. മുഹൈദീന്റെ കാമുകി ഇന്‍ഷയും സഹോദരന്‍ ഷഫീക്കും ചേര്‍ന്നായിരുന്നു കവര്‍ച്ച നടത്തിയതെന്നും ഇവർ മുഹൈദിനെ രണ്ടുദിവസം കെട്ടിയിട്ട് മർദിച്ചുവെന്ന് ശംഖുമുഖം എ.സി.പി പറഞ്ഞു.

തിരുവനന്തപുരം വിമാനത്താവളത്തില്‍ നിന്ന് ഇക്കഴിഞ്ഞ 22 നാണ് മുഹൈദിനെ തട്ടിക്കൊണ്ടുപോയത്. ദുബൈയിൽ നിന്നും എത്തിയ ഇയാളെ തട്ടിക്കൊണ്ടുപോയി 15 ലക്ഷത്തിലധികം രൂപയും സ്വർണാഭരണങ്ങളുമാണ് സംഘം കവർന്നത്. സംഭവത്തിൽ ഒരു സ്ത്രീയടക്കം ആറുപേരെയാണ് വലിയതുറ പൊലീസ് അറസ്റ്റ് ചെയ്തത്.

മുഹൈദിനൊപ്പം ദുബായിയിൽ ജോലി ചെയ്തിരുന്ന യുവതി ഇയളുമായി ആദ്യം സൗഹൃദത്തിലായിരുന്നു. എന്നാൽ പിന്നീട് ഇരുവരും തെറ്റിപ്പിരിഞ്ഞു. പിന്നീട് നാട്ടിലെത്തിയ യുവതി മുഹൈദ് വരുന്നുണ്ടെന്ന് അറിഞ്ഞ് സഹോദരനേയും സുഹൃത്തുക്കളേയും കൂട്ടി തട്ടിക്കൊണ്ടുപോയി സ്വർണവും പണവും കവരുകയായിരുന്നു. 15,70,000 രൂപയും അഞ്ച് പവൻ സ്വർണവും മൊബൈൽ ഫോണുമാണ് കവർന്നത്. ഇയാളുടെ കൈയ്യില്‍ നിന്ന് മുദ്ര പത്രങ്ങളും ഒപ്പിട്ടുവാങ്ങിയതായി പരാതിയുണ്ട്. ശേഷം പ്രവാസിയെ സ്‌കൂട്ടറില്‍ എയര്‍പോര്‍ട്ടിന് മുന്നില്‍ ഉപേക്ഷിച്ചു കടന്നുകളയുകയായിരുന്നു.

ഇ​ൻ​ഷ നി​ര​പ​രാ​ധി​യെ​ന്ന് മു​ഹി​യു​ദ്ദീ​ൻ

തി​രു​വ​ന​ന്ത​പു​രം: ത​ന്നെ ത​ട്ടി​ക്കൊ​ണ്ടു​പോ​യ​ത് ഒ​ന്നാം​പ്ര​തി ഇ​ൻ​ഷ​യു​ടെ അ​റി​വോ​ടെ​യ​ല്ലെ​ന്ന് പ​രാ​തി​ക്കാ​ര​ന്‍ മു​ഹി​യു​ദ്ദീ​ന്‍. ഡ്രൈ​വ​ർ രാ​ജേ​ഷാ​ണ് ത​ട്ടി​ക്കൊ​ണ്ടു​പോ​ക​ലി​ന് പി​ന്നി​ലെ​ന്നും പ​ണം ത​ട്ടി​യെ​ടു​ത്ത​തും മ​ർ​ദി​ച്ച​തും ഇ​യാ​ളാ​ണെ​ന്നും മു​ഹി​യു​ദ്ദീ​ൻ മാ​ധ്യ​മ​ങ്ങ​ളോ​ട് പ​റ​ഞ്ഞു. ഇ​ൻ​ഷ​ക്ക്​ പ​ങ്കി​ല്ലെ​ന്ന ത​ര​ത്തി​ലാണ് പൊ​ലീ​സിൽ പ​രാ​തി ന​ൽ​കിയ​ത്.

ഇ​ൻ​ഷ ത​ന്നെ ച​തി​ച്ചി​ട്ടി​ല്ല. ഗ​ൾ​ഫി​ൽ വെ​ച്ച് ഇ​ൻ​ഷ പ​ഠി​പ്പി​ച്ച​ത് താ​നാ​ണ്. തി​രു​വ​ന​ന്ത​പു​ര​ത്തെ​ത്തു​മ്പോ​ൾ ഡ്രൈ​വ​ർ രാ​ജേ​ഷി​നെ​യാ​ണ് യാ​ത്ര​ക്കാ​യി എ​പ്പോ​ഴും ആ​ശ്ര​യി​ക്കു​ന്ന​ത്. ന​ല്ല പ​രി​ച​യ​മു​ണ്ട്. ഇ​യാ​ൾ സാ​ഹ​ച​ര്യം മ​ന​സ്സി​ലാ​ക്കി എ​ല്ലാം പ്ലാ​ൻ ചെ​യ്യു​ക​യാ​യി​രു​ന്നു. ഇ​തി​ലേ​ക്ക് ഇ​ൻ​ഷ​യെ​യും സ​ഹോ​ദ​ര​നെ​യും വ​ലി​ച്ചി​ട്ടു. ത​ട്ടി​ക്കൊ​ണ്ടു​പോ​യി ക്രൂ​ര​മാ​യി മ​ർ​ദി​ച്ചു. കാ​ലും കൈ​യും കെ​ട്ടി​യി​ട്ട​തി​നാ​ൽ ബാ​ത്റൂ​മി​ൽ പോ​ലും പോ​കാ​ൻ ക​ഴി​ഞ്ഞി​ല്ലെന്നും മു​ഹി​യു​ദ്ദീ​ൻ പ​റ​ഞ്ഞു.