ദീപു കൊലക്കേസ് പ്രതികളുടെ ജാമ്യഹരജിയിൽ ​കോടതി ഇന്ന് വിധി പറയും

തൃശൂർ: കിഴക്കമ്പലത്തെ ട്വന്‍റി20 പ്രവർത്തകൻ ദീപുവിനെ കൊലപ്പെടുത്തിയ കേസിൽ പ്രതികളായ സി.പി.എം പ്രവർത്തകരുടെ ജാമ്യഹരജിയിൽ അഡീഷനൽ ജില്ല കോടതി ബുധനാഴ്ച വിധിപറയും. ജാമ്യാപേക്ഷയിൽ ചൊവ്വാഴ്ച വാദം പൂർത്തിയായി.

എറണാകുളം പ്രിൻസിപ്പൽ സെഷൻസ് കോടതിയിലായിരുന്നു നേരത്തേ കേസ് പരിഗണിച്ചിരുന്നത്. പട്ടികജാതി/വർഗ പീഡനം തടയൽ നിയമ പ്രകാരമുള്ള ഉത്തരവാദിത്തം നിറവേറ്റുന്നതിൽ കോടതി വീഴ്ച വരുത്തിയതായി നിരീക്ഷിച്ച ഹൈകോടതി കേസ് ഇവിടേക്ക് മാറ്റുകയായിരുന്നു. സി.പി.എം പ്രവർത്തകരായ നാല് പേരാണ് പ്രതികൾ.