സ്ത്രീയെ കൊന്ന് കൊക്കയിലെറിഞ്ഞ കേസ്: പ്രതിയുമായി ഗൂഡല്ലൂരിൽ ​തെളിവെടുപ്പ്

കോ​ഴി​ക്കോ​ട്: സ്ത്രീ​യെ ത​ട്ടി​ക്കൊ​ണ്ടു​പോ​യി കൊ​ല​പ്പെ​ടു​ത്തി സ്വ​ർ​ണാ​ഭ​ര​ണ​ങ്ങ​ൾ ക​വ​ർ​ന്ന് ​മൃ​ത​ദേ​ഹം കൊ​ക്ക​യി​ലെ​റി​ഞ്ഞ കേ​സി​ൽ പ്ര​തി​യു​മാ​യു​ള്ള പൊ​ലീ​സി​ന്റെ തെ​ളി​വെ​ടു​പ്പ് പു​രോ​ഗ​മി​ക്കു​ന്നു. കു​റ്റി​ക്കാ​ട്ടൂ​ർ സ്വ​ദേ​ശി​നി സൈ​ന​ബ കൊ​ല്ല​പ്പെ​ട്ട കേ​സി​ൽ ഒ​ന്നാം​പ്ര​തി താ​നൂ​ർ കു​ന്നും​പു​റം പ​ള്ളി​വീ​ട്ടി​ൽ സ​മ​ദു​മാ​യി ക​സ​ബ ഇ​ൻ​സ്​​പെ​ക്ട​ർ എ​സ്.​ബി. കൈ​ലാ​സ് നാ​ഥ് വെ​ള്ളി​യാ​ഴ്ച ഗൂ​ഡ​ല്ലൂ​രി​ൽ തെ​ളി​വെ​ടു​പ്പ് ന​ട​ത്തി. കൊ​ല​ക്കു​ശേ​ഷം സ​മ​ദും കൂ​ട്ടു​പ്ര​തി സു​ലൈ​മാ​നും ഗൂ​ഡ​ല്ലൂ​രി​ലെ​ത്തി താ​മ​സി​ച്ച മു​റി​യി​ലും മ​റ്റു​മാ​ണ് പ​രി​ശോ​ധ​ന ന​ട​ത്തി​യ​ത്. കൊ​ല​പാ​ത​ക​ത്തി​ന്റെ തെ​ളി​വു​ക​ൾ ന​ശി​പ്പി​ച്ച രീ​തി​യ​ട​ക്ക​മു​ള്ള​വ പ്ര​തി പൊ​ലീ​സി​ന് വി​​ശ​ദീ​ക​രി​ച്ചു​ന​ൽ​കി.

വ്യാ​ഴാ​ഴ്ച സ​മ​ദി​നെ ഇ​രു പ്ര​തി​ക​ളും ഗൂ​ഢാ​ലോ​ച​ന ന​ട​ത്തി​യ തി​രൂ​രി​ലെ ലോ​ഡ്ജി​ൽ ഉ​ൾ​പ്പെ​ടെ തെ​ളി​വെ​ടു​പ്പി​ന് കൊ​ണ്ടു​പോ​യി​രു​ന്നു. പ്ര​തി​ക​ൾ സൈ​ന​ബ​യെ ക​ട​ത്തി​ക്കൊ​ണ്ടു​പോ​യ അ​ൾ​ട്ടോ കാ​ർ പൊ​ലീ​സ് ഇ​തി​ന​കം ക​സ്റ്റ​ഡി​യി​ലെ​ടു​ത്തു. സ​മ​ദി​ന്റെ സു​ഹൃ​ത്തി​ന്റേ​താ​ണ് കാ​ർ. സൈ​ന​ബ​യു​ടെ 15 പ​വ​നി​ലേ​റെ​വ​രു​ന്ന സ്വ​ർ​ണാ​ഭ​ര​ണ​വും മൂ​ന്നു ല​ക്ഷ​ത്തോ​ളം രൂ​പ​യും എ​ന്തു​ചെ​യ്തു എ​ന്ന​തി​ൽ ഇ​പ്പോ​ഴും വ്യ​ക്ത​ത വ​ന്നി​ട്ടി​ല്ല. ര​ണ്ടാം​പ്ര​തി സു​ലൈ​മാ​​നെ ക​സ്റ്റ​ഡി​യി​ൽ വാ​ങ്ങി ചോ​ദ്യം​ചെ​യ്യു​ന്ന​തോ​​ടെ മാ​ത്ര​മേ ഇ​ക്കാ​ര്യ​ത്തി​ൽ കൂ​ടു​ത​ൽ വി​വ​ര​ങ്ങ​ൾ അ​റി​യാ​നാ​വൂ. അ​തി​നാ​യി സു​ലൈ​മാ​നെ ക​സ്റ്റ​ഡി​യി​ൽ കി​ട്ടാ​ൻ പൊ​ലീ​സ് കോ​ട​തി​യി​ൽ അ​പേ​ക്ഷ ന​ൽ​കി.

ഗൂ​ഡ​ല്ലൂ​ർ സ്വ​ദേ​ശി​യാ​യ സു​ലൈ​മാ​ന്റെ പ​രി​ച​യ​ത്തി​ലു​ള്ള ചി​ല​ർ​ക്കും കു​റ്റ​കൃ​ത്യ​ത്തി​ൽ പ​ങ്കു​ള്ള​താ​യാ​ണ് സൂ​ച​ന. ഇ​തി​ൽ അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്. സു​ലൈ​മാ​നെ ക​സ്റ്റ​ഡി​യി​ൽ വാ​ങ്ങി ചോ​ദ്യം ചെ​യ്യു​ന്ന​തോ​ടെ സൈ​ന​ബ​യു​ടെ ആ​ഭ​ര​ണ​വും പ​ണ​വും വീ​​ണ്ടെ​ടു​ക്കാ​നാ​കു​മെ​ന്നാ​ണ് അ​ന്വേ​ഷ​ണ സം​ഘ​ത്തി​ന്റെ പ്ര​തീ​ക്ഷ. ഇ​രു​പ്ര​തി​ക​ളെ​യും ഒ​റ്റ​ക്കി​രു​ത്തി​യും പി​ന്നീ​ട് ഒ​രു​മി​ച്ചി​രു​ത്തി​യും പൊ​ലീ​സ് ചോ​ദ്യം ചെ​യ്യും. സ​മ​ദും സു​ലൈ​മാ​നും ചേ​ർ​ന്ന് ന​വം​ബ​ർ ആ​റി​ന് തി​രൂ​രി​ലെ ലോ​ഡ്ജി​ൽ ഗൂ​ഢാ​ലോ​ച​ന ന​ട​ത്തി​യാ​ണ് കോ​ഴി​ക്കോ​ട്ടു​നി​ന്ന് സൈ​ന​ബ​യെ ക​ട​ത്തി​ക്കൊ​ണ്ടു​പോ​യ​ത്. പി​ന്നീ​ട് കാ​റി​ൽ​വെ​ച്ച് കൊ​ല​പ്പെ​ടു​ത്തി സ്വ​ർ​ണ​വും പ​ണ​വും കൈ​ക്ക​ലാ​ക്കി മൃ​ത​ദേ​ഹം നാ​ടു​കാ​ണി​ച്ചു​ര​ത്തി​ലെ ​കൊ​ക്ക​യി​ൽ ഉ​പേ​ക്ഷി​ക്കു​ക​യാ​യി​രു​ന്നു. സൈ​ന​ബ​യു​ടെ ഫോ​ൺ കാ​ൾ ഡീ​റ്റെ​യി​ൽ​സ് നോ​ക്കി സ​മ​ദി​നെ അ​റ​സ്റ്റു​ചെ​യ്ത​തി​നു​പി​ന്നാ​ലെ​യാ​ണ് മൃ​ത​ദേ​ഹം ക​ണ്ടെ​ത്തി​യ​ത്.