സ്കൂൾ വിദ്യാർഥികൾക്ക് വിതരണത്തിനായി കൊണ്ടുവന്ന കഞ്ചാവ് പിടികൂടി

ആലുവ: സ്കൂൾ വിദ്യാർഥികൾക്ക് വിതരണത്തിനായി കൊണ്ടുവന്ന രണ്ട് കിലോ കഞ്ചാവ് ആലുവയിൽ പിടികൂടി.എക്സൈസിന് ലഭിച്ച രഹസ്യ വിവരത്തെ തുടർന്ന് മുപ്പത്തടത്തു നിന്നുമാണ് ആസാം സ്വദേശിയായ അസിക്കുൽ ഇസ്​ലാമിനെ പിടികൂടിയത്.

സർക്കിൾ ഇൻസ്പെക്ടർ കെ.ഡി.സതീശൻ, പി.കെ.ഗോപി, എം.എം. അരുൺ കുമാർ, പി.എസ്. ബസന്ത് കുമാർ, സജോ വർഗീസ്, തസിയാബിജു പോൾ എന്നിവരാണ് പരിശോധനകൾക്ക് നേതൃത്വം നൽകിയത്. ആലുവ, വരാപ്പുഴ,അങ്കമാലി മേഖലയിൽ വലിയ തോതിൽ കഞ്ചാവ് ശേഖരമുണ്ടെന്ന റിപ്പോർട്ടിനെ തുടർന്ന് എക്സൈസ് നിരീക്ഷണം ശക്തിപ്പെടുത്തിയിട്ടുണ്ട്.