കഞ്ചാവുകേസിൽ ഒളിവിലായിരുന്ന പ്രതി പിടിയിൽ

കോട്ടയം: കഞ്ചാവുകേസിൽ ഒളിവിലായിരുന്ന പ്രതി അറസ്റ്റിൽ. പുതുപ്പള്ളി ഇരവിനെല്ലൂർ കാപ്പിലാംമൂട്ടിൽ കെ.എസ്‌. സിബിനാണ് (24) പിടിയിലായത്. രണ്ടുമാസം മുമ്പ് 1.115 കിലോ കഞ്ചാവുമായി ഇയാൾ പിടിയിലായിരുന്നു.

തമിഴ്‌നാട്ടിലും സംസ്ഥാനത്തിന്റെ വിവിധ ഭാഗങ്ങളിലുമായി ഒളിവിലായിരുന്ന സിബിനെ കോട്ടയം എക്സൈസ്‌ സൈബർ സെല്ലിന്റെ സഹായത്തോടെ എക്സൈസ്‌ സർക്കിൾ ഇൻസ്പെക്ടർ ഇ.പി. സിബിയും സംഘവും ചേർന്നാണ് പിടികൂടിയത്.

പ്രിവന്റിവ്‌ ഓഫിസർമാരായ ആർ.കെ. രാജീവ്‌, ഡി. മനോജ്കുമാർ, സി. കണ്ണൻ, രതീഷ്‌ കെ. നാണു, പ്രവീൺ ശിവാനന്ദ്‌, മനു ചെറിയാൻ, മനു മധു, ഡ്രൈവർ സത്യൻ എന്നിവരും എക്സൈസ് സംഘത്തിൽ ഉണ്ടായിരുന്നു. സിബിനെ കോടതിയിൽ ഹാജരാക്കി റിമാൻഡ്‌ ചെയ്തു.