യുവാവിനെ കുത്തിക്കൊലപ്പെടുത്താൻ ശ്രമിച്ച കേസിലെ പ്രതി പിടിയിൽ

അമ്പലമേട്: യുവാവിനെ കുത്തിക്കൊലപ്പെടുത്താൻ ശ്രമിച്ച കേസിലെ പ്രതിയെ അമ്പലമേട് പൊലീസ് പിടികൂടി. കുരിക്കാട്ട് ചെമ്മൽകാട്ട് വീട്ടിൽ മനോജിനെയാണ് (46) അമ്പലമേട് പൊലീസ് പിടികൂടിയത്.കഴിഞ്ഞ ശനിയാഴ്ചയാണ് കേസിന് ആസ്പദമായ സംഭവം.

അമ്പലമുകളിലുള്ള സ്വകാര്യ കമ്പനിയിലെ സൂപ്പർവൈസറായ യുവാവിനെയാണ് അതേ കമ്പനിയിലെ ജീവനക്കാരനായ മനോജ് മുൻവൈരാഗ്യത്തെ തുടർന്ന് കുത്തിക്കൊലപ്പെടുത്താൻ ശ്രമിച്ചത്. സംഭവശേഷം ഒളിവിലായിരുന്ന പ്രതിയെ അമ്പലമേട് എസ്.എച്ച്.ഒയുടെ നേതൃത്വത്തിലുള്ള പൊലീസ് സംഘമാണ് പിടികൂടിയത്.