യുവാവിനെ ആക്രമിച്ച്​ ബൈക്ക്​ കവർന്ന പ്രതികൾ അറസ്റ്റിൽ

അ​ങ്ക​മാ​ലി: യു​വാ​വി​നെ മാ​ര​കാ​യു​ധ​ങ്ങ​ൾ ഉ​പ​യോ​ഗി​ച്ച് ആ​ക്ര​മി​ച്ച്​ ബൈ​ക്ക്​ ക​വ​ർ​ന്ന കേ​സി​ൽ ര​ണ്ടു​പേ​രെ അ​ങ്ക​മാ​ലി പൊ​ലീ​സ് അ​റ​സ്റ്റ് ചെ​യ്തു. മൂ​ക്ക​ന്നൂ​ർ കി​ട​ങ്ങൂ​ർ സ്വ​ദേ​ശി​ക​ളാ​യ വ​ലി​യോ​ലി​പ​റ​മ്പി​ൽ വീ​ട്ടി​ൽ ആ​ഷി​ഖ് മ​നോ​ഹ​ര​ൻ (31), പ​ള്ളി​പ്പാ​ട്ട് വീ​ട്ടി​ൽ മാ​ർ​ട്ടി​ൻ (മു​ട്ടി​ച്ച​ൻ-40) എ​ന്നി​വ​രെ അ​ങ്ക​മാ​ലി പൊ​ലീ​സാ​ണ് അ​റ​സ്റ്റ് ചെ​യ്ത​ത്.

ബു​ധ​നാ​ഴ്ച വൈ​കീ​ട്ട് 6.30ഓ​ടെ പ​വി​ഴ​പ്പൊ​ങ്ങ് സ്വ​ദേ​ശി വി​ജീ​ഷി​നെ​യാ​ണ് വ​ടി​വാ​ൾ കൊ​ണ്ട് ആ​ക്ര​മി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ച​ത്. ബൈ​ക്ക് ത​ട​ഞ്ഞു​നി​ർ​ത്തി വി​ജീ​ഷി​നോ​ട് പ​ണം ആ​വ​ശ്യ​പ്പെ​ട്ട​പ്പോ​ൾ ന​ൽ​കാ​ൻ ത​യാ​റാ​യി​ല്ല. ഇ​താ​ണ്​ ആ​ക്ര​മ​ണ​ത്തി​നും ക​വ​ർ​ച്ച​ക്കും കാ​ര​ണ​മാ​യ​തെ​ന്ന് പൊ​ലീ​സ് പ​റ​ഞ്ഞു.

മോ​ഷ്ടി​ച്ച ഇ​രു​ച​ക്ര വാ​ഹ​നം പൊ​ലീ​സ് ക​ണ്ടെ​ടു​ത്തു. ഇ​രു​പ്ര​തി​ക​ളും വ​ധ​ശ്ര​മം ഉ​ൾ​െ​പ്പ​ടെ നി​ര​വ​ധി കേ​സി​ലെ പ്ര​തി​ക​ളാ​ണെ​ന്ന് പൊ​ലീ​സ് പ​റ​ഞ്ഞു.2021ൽ ​യു​വാ​വി​നെ കൊ​ല്ലാ​ൻ ശ്ര​മി​ച്ച കേ​സി​ൽ പ്ര​തി​യാ​യ​തി​നെ​ത്തു​ട​ർ​ന്ന് ആ​ഷി​ഖി​നെ കാ​പ്പ ചു​മ​ത്തി ആ​റു​മാ​സം ജ​യി​ലി​ൽ അ​ട​ച്ചി​രു​ന്ന​താ​യി പൊ​ലീ​സ് അ​റി​യി​ച്ചു.

ഇ​ൻ​സ്പെ​ക്ട​ർ പി.​എം. ബൈ​ജു, എ​സ്.​ഐ​മാ​രാ​യ പ്ര​ദീ​പ് കു​മാ​ർ, ഷാ​ഹു​ൽ ഹ​മീ​ദ്, എ.​എ​സ്.​ഐ​മാ​രാ​യ പി.​ജി. സാ​ബു, ഫ്രാ​ൻ​സി​സ്, റെ​ജി​മോ​ൻ, ആ​ന്‍റു, എ​സ്.​സി.​പി.​ഒ​മാ​രാ​യ മി​ഥു​ൻ, അ​ലി, മ​നു എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്.