ഒളിവിലായിരുന്ന യുവാവ് അറസ്റ്റിൽ

കോട്ടയം: വാറന്‍റ് കേസിൽ ഒളിവില്‍ കഴിഞ്ഞിരുന്ന നാട്ടകം മൂലവട്ടം കൈതയിൽ വീട്ടിൽ സതീഷ് (41) അറസ്റ്റിൽ.മൈക്രോഫിനാൻസ് സ്ഥാപനത്തിൽനിന്ന് വായ്പ എടുത്തതിനുശേഷം തിരിച്ചടവിനെ ചൊല്ലിയുള്ള തർക്കത്തിനൊടുവിൽ ഇയാളും സുഹൃത്തുക്കളും ചേർന്ന് പരാതിക്കാരനായ പ്രദീപ്കുമാറിനെയും ഭാര്യയെയും ഓട്ടോറിക്ഷ തടഞ്ഞുനിർത്തി ആക്രമിച്ചിരുന്നു.

കോടതിയിൽനിന്ന് ജാമ്യം എടുത്തതിനുശേഷം മുങ്ങിയ ഇയാൾക്കെതിരെ അറസ്റ്റ് വാറന്‍റ് പുറപ്പെടുവിച്ചിരുന്നു.ചിങ്ങവനം എസ്.എച്ച്.ഒ ടി.ആർ. ജിജുവിന്‍റെ നേതൃത്വത്തിലെ പൊലീസ് സംഘമാണ് അറസ്റ്റ് ചെയ്തത്.