Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightCrimechevron_rightപൊലീസിനെ കണ്ടപ്പോൾ...

പൊലീസിനെ കണ്ടപ്പോൾ കയ്യിലുള്ളതെല്ലാം ഉപേക്ഷിച്ച്​ ഒരൊറ്റയോട്ടം; ചോദ്യം ചെയ്​തപ്പോൾ ചുരുളഴിഞ്ഞത്​ ക്ഷേത്രക്കവർച്ചയുടെ കഥ

text_fields
bookmark_border
temple burglary
cancel
camera_altമോഷ്​ടാവിൽ നിന്ന്​ കണ്ടെടുത്ത വസ്തുക്കൾ

നാഗർകോവിൽ: കന്യാകുമാരി ജില്ലയിലെ ക്ഷേത്രങ്ങൾ കേന്ദ്രീകരിച്ച് മോഷണം നടത്തിവന്ന കേസിൽ ഒരാളെ പൊലീസ് അറസ്റ്റ് ചെയ്തു. വെള്ളിച്ചന്തയ്ക്ക് സമീപം ചരൽ സ്വദേശി അനീഷ്‌രാജൻ (33) നെയാണ് കുളച്ചൽ ഡി.എസ്.പി തങ്കരാമ​െൻറ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്.

ഇയാളുടെ പക്കൽ നിന്നും 600 കിലോ വെങ്കല സാധനങ്ങളും, 16 ഗ്രാം സ്വർണ്ണാഭരണങ്ങളും പിടിച്ചെടുത്തു. ഇവയുടെ മൂല്യം 8.6 ലക്ഷം രൂപ വരുമെന്ന്​ പൊലീസ്​ പറഞ്ഞു. ഇയാൾക്കെതിരെ വിവിധ പൊലീസ് സ്റ്റേഷനുകളിലായി 20 കേസ​ുകൾ നിലവിലുണ്ട്.

കുരുന്തങ്കോട് ആശാരിവിളയിൽ ശനിയാഴ്ച വാഹന പരിശോധന നടത്തുന്നതിനിടയിൽ പൂജാസാധനങ്ങളുമായി പോയ ആൾ പൊലീസിനെ കണ്ടയുടനെ കൈയ്യിലുണ്ടായിരുന്ന സാധനങ്ങൾ വലിച്ചെറിഞ്ഞ ശേഷം ഓടി മറഞ്ഞു. തുടർന്ന് ഇയാളെ പിന്തുടർന്ന് പിടികൂടി ഇരണിയൽ സ്റ്റേഷനിൽ എത്തിച്ച് ചോദ്യം ചെയ്തപ്പോഴാണ് ക്ഷേത്രങ്ങൾ കേന്ദ്രീകരിച്ചുള്ള മോഷണ വിവരം പൊലീസ് അറിയുന്നത്. ഇയാളുടെ കൂടെയുള്ളവർക്കായുള്ള തിരച്ചിൽ ഊർജിതമാക്കിയിട്ടുണ്ടെന്ന്​ പൊലീസ് പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Crime Newsburglary
News Summary - temple thief arrested
Next Story