കൗമാരക്കാരൻ വിഷം ഉള്ളിൽചെന്ന്​ മരിച്ചു; കാമുകിയുടെ മാതാവിനെതിരെ ​കേസ്​

ഹൈദരാബാദ്​: കാമുകിയുടെ മാതാവ്​ 19കാരനെ വിഷം നൽകി കൊലപ്പെടുത്തിയതായി പരാതി. മൊയ്​നാബാദ്​ സ്വദേശിയായ ​ഷെയ്​ക്​ ആയാസ്​ എന്ന ഇന്‍റർമീഡിയറ്റ്​ വിദ്യാർഥിയാണ്​ മരിച്ചത്​.

വർഷങ്ങളായി 16കാരിയുമായി പ്രണയത്തിലായിരുന്നു 19കാരൻ. അടുത്തിടെ പെൺകുട്ടിയുടെ വീട്​ 19കാരൻ സന്ദർശിച്ചിരുന്നു. എന്നാൽ, തൊട്ടടുത്ത ദിവസം കൗമാരക്കാരന്​ ഛർദി തുടങ്ങി. ഇതോടെ ആശുപത്രിയിൽ ചികിത്സ തേടി. ആരോഗ്യനില മോശമായതോടെ മറ്റൊരു ആശുപത്രിയിലേക്ക്​ മാറ്റിയെങ്കിലും തിങ്കളാഴ്ച മരിച്ചുവെന്ന് തെലങ്കാന ടുഡെ റിപ്പോർട്ട്​ ​ചെയ്​തു.

​ആശുപത്രിയിൽ ചികിത്സയിൽ കഴിയവേ കൗമാരക്കാരൻ പൊലീസിന്​ മൊഴി നൽകിയിരുന്നു. കാമുകിയുടെ വീട്ടിലെത്തിയപ്പോൾ അമ്മ ശീതളപാനീയം നൽകിയതായി മൊഴി നൽകി.

പ്രാഥമിക അ​േന്വഷണത്തിൽ പെൺകുട്ടിയുടെ മാതാവിന്​ കൗമാരക്കാരനുമായുള്ള ബന്ധത്തിൽ എതിർപ്പുണ്ടായിരുന്നതായി കണ്ടെത്തി. യുവാവിനെതിരെ പോക്​സോ നിയമപ്രകാരവും കേസ്​ നൽകിയിരുന്നു. പെൺകുട്ടിയുടെ വീട്ടിൽപോയി വന്നതിന്​ ശേഷമാണോ ആരോഗ്യനില മോശമായതാണോയെന്നും സ്വയം വിഷം കഴിച്ചതാണോയെന്നും പരിശോധിക്കുന്നുണ്ട്​. സംഭവത്തിൽ കൊലപാതക ശ്രമം, കൊലപാതകം ഉൾപ്പെ​ടെയുള്ള വകുപ്പുകളിൽ കേസെടുത്തു. പോസ്റ്റ്​മോർട്ടം റി​േപ്പാർട്ട്​ പുറത്തുവരാനായി കാത്തിരിക്കുകയാണെന്ന്​ പൊലീസ്​ പറഞ്ഞു.