യാത്രക്കാരിയുടെ ബാഗിൽനിന്ന് പണം കവർന്ന തമിഴ് യുവതി പിടിയിൽ

കളമശ്ശേരി: ബസിൽ യാത്രക്കാരിയുടെ ബാഗിൽനിന്ന് പണം കവർന്ന തമിഴ് യുവതിയെ അറസ്റ്റ് ചെയ്തു. പാലക്കാട് കൊഴിഞ്ഞാംപാറയിൽ താമസിക്കുന്ന മീനാക്ഷിയെന്ന മസാനിനെയാണ് (20) കളമശ്ശേരി പൊലീസ് അറസ്റ്റ് ചെയ്തത്. മട്ടാഞ്ചേരി-ആലുവ റൂട്ടിൽ സർവിസ് നടത്തുന്ന സ്വകാര്യ ബസിൽ യാത്ര ചെയ്യുകയായിരുന്ന മഞ്ഞുമ്മൽ സ്വദേശിനി ലക്ഷ്മിക്കുട്ടിയുടെ ബാഗിൽനിന്ന് പണം കവർന്ന കേസിലാണ് പിടിയിലായത്. ഇൻസ്പെക്ടർ പി.ആർ. സന്തോഷി‍െൻറ നേതൃത്വത്തിൽ എസ്.ഐ ലില്ലി, എ.എസ്.ഐ ഷൂക്കൂർ, സി.പി.ഒ ശരണ്യ എന്നിവർ ചേർന്നാണ് അറസ്റ്റ് ചെയ്തത്.