സൂര്യപ്രിയയുടെ കൊലപാതകം: പ്രതിയുമായി തെളിവെടുത്തു

ആലത്തൂർ: ചിറ്റിലഞ്ചേരി കോന്നല്ലൂരിൽ ഡി.വൈ.എഫ്.ഐ വനിത പ്രവർത്തക സൂര്യപ്രിയയെ കൊലപ്പെടുത്തിയ കേസിലെ പ്രതിയെ ആലത്തൂർ പൊലീസ് സ്ഥലത്ത് കൊണ്ടുപോയി തെളിവെടുത്തു. അഞ്ചുമൂർത്തി മംഗലം ചീകോട് പയ്യക്കുണ്ടിൽ സുജീഷിനെയാണ് സൂര്യപ്രിയയുടെ വീട്ടിലെത്തിച്ച് തെളിവെടുപ്പ് നടത്തിയത്.

ആഗസ്റ്റ് 10നായിരുന്നു കൊലപാതകം. അന്വേഷണ ഉദ്യോഗസ്ഥനായ ഇൻസ്പെക്ടർ ടി.എൻ. ഉണ്ണികൃഷ്ണൻ നേതൃത്വം നൽകി. ബൈക്കിൽ സഞ്ചരിച്ച വഴിയും കൊലപ്പെടുത്തിയ രീതിയും പ്രതി പൊലീസിന് കാണിച്ചുകൊടുത്തു.