പിതാവിനെ കൊല്ലാൻ ശ്രമിച്ച കേസിൽ മകൻ അറസ്​റ്റിൽ

കോതമംഗലം: പിതാവിനെ വാക്കത്തികൊണ്ട് വെട്ടിക്കൊലപ്പെടുത്താൻ ശ്രമിച്ച കേസിൽ മകൻ അറസ്​റ്റിൽ. ഉപ്പുകണ്ടം പറപ്പാട്ടുകുടി വീട്ടിൽ സിജുവിനെയാണ്​ (41) കോട്ടപ്പടി പൊലീസ് അറസ്​റ്റ്​ ചെയ്തത്.

വീട്ടിലെ ഹാളിലിരുന്ന് ഭക്ഷണം കഴിച്ചുകൊണ്ടിരുന്ന പിതാവ് ഗോപാലനെ വാക്കത്തികൊണ്ട് കഴുത്തിന് വെട്ടുകയായിരുന്നു. പരിക്കേറ്റ ഗോപാലൻ ചികിത്സയിലാണ്.

മദ്യപിച്ച് വീട്ടിൽ സ്ഥിരം പ്രശ്നമുണ്ടാക്കുന്നയാളാണ് സിജു. കോട്ടപ്പടി ഇൻസ്പെക്ടർ എം. ശ്രീകുമാർ, സബ്​ ഇൻസ്പെക്ടർ കെ.കെ. അനിൽ, എ.എസ്.ഐ ഷിബു മാത്യു എന്നിവരടങ്ങിയ സംഘമാണ് പ്രതിയെ അറസ്​റ്റ്​ ചെയ്തത്. കോടതിയിൽ ഹാജരാക്കി റിമാൻഡ്​ ചെയ്തു.