സ്​ത്രീകളെ ശല്യപ്പെടുത്തിയ​ മകൻ അറസ്റ്റിൽ; പൊലീസിന്​ വിവരം നൽകിയയാളുടെ തലക്കടിച്ച പിതാവും പിടിയിൽ

തിരുവനന്തപുരം: സ്​ത്രീകളെ ശല്യപ്പെടുത്തിയ കേസിൽ മകനും വധശ്രമ കേസിൽ അച്​ഛനും അറസ്റ്റിൽ. സ്​ത്രീകളേയും കുട്ടികളേയും ഉപദ്രവിച്ചതിനാണ്​ സുബീഷ്​ എന്നയാളെ ആര്യനാട്​ പൊലീസ്​ അറസ്റ്റ്​ ചെയ്​തത്​. ഇയാളെ കുറിച്ച്​ പൊലീസിന്​ വിവരം നൽകിയെന്ന ആരോപിച്ച്​ യുവാവിനെ കൊലപ്പെടുത്താൻ ശ്രമിച്ച കേസിലാണ്​ പിതാവ്​ കുളനട ആശാരിക്കോണം സ്വദേശി ജ്യോതി എന്ന സുനിൽകുമാറിനെ പൊലീസ്​ അറസ്റ്റ്​ ചെയ്​തത്​.

രാത്രി സ്ത്രീകൾ ഉള്ള വീടുകളിൽ കയറി അവരെ ഉപദ്രവിക്കുകയും, കുളിക്കുന്ന സമയം എത്തിനോക്കുകയും, വിഡിയോ പകർത്തുകയും മറ്റുമായിരുന്നു സുബീഷ് ചെയ്​തിരുന്നത്​​. ഇയാൾ ലഹരി വസ്​തുക്കൾ ഉപയോഗിക്കുന്നതും പതിവായിരുന്നു. കുളപ്പട റസിഡൻസ് അസോസിയേഷൻ നിരവധി സ്ത്രീകൾ ഒപ്പിട്ട്​ ഇതുമായി ബന്ധപ്പെട്ട പരാതിയും നൽകിയിരുന്നു. തുടർന്ന്​ പൊലീസ്​ ഇയാളെ അറസ്റ്റ്​ ചെയ്​തു.

സുബീഷിനെ കുറിച്ച്​ പൊലീസിന്​ വിവരം നൽകിയത്​ കുളനട സ്വദേശി ദീപുവാണെന്ന്​ ആരോപിച്ച്​ പിതാവ്​ സുനിൽകുമാർ ഇയാളുടെ തലക്കടിക്കുകയായിരുന്നു​.