കുന്ദ്രക്ക്​ വീണ്ടും കുരുക്ക്​; ലൈംഗിക പീഡന ആരോപണവുമായി നടി ഷെർലിൻ ചോപ്ര

മുംബൈ: നീലച്ചിത്ര കേസിൽ ​ജുഡീഷ്യൽ കസ്​ററഡിയിൽ കഴിയുന്ന വ്യവസായി രാജ്​ കുന്ദ്രക്കെതിരെ ലൈംഗിക പീഡന പരാതിയുമായി നടി ഷെർലിൻ ചോപ്ര. കഴിഞ്ഞ ഏപ്രിലിൽ കുന്ദ്രക്കെതിരെ നൽകിയ പരാതിയിൽ 'ഷെർലിൻ ചോപ്ര ആപ്​' തുടങ്ങുന്നത്​ സംബന്ധിച്ച്​ ചർച്ച ചെയ്​തതായും അതിനിടെ വീട്ടിലെത്തി പീഡനശ്രമം നടത്തിയതായും പറയുന്നു.

ചോപ്രക്ക്​ കഴിഞ്ഞ ദിവസം കോടതി മുൻകൂർ ജാമ്യം നൽകിയിരുന്നു. 2019 തുടക്കത്തിലാണ്​ ആരോപണ വിധേയമായ സംഭവം നടന്നതെന്ന്​ പരാതിയിൽ പറയുന്നു.

കുന്ദ്രക്കെതിരായ കേസിൽ കൂടുതൽ തവണ സാക്ഷിമൊഴി നൽകിയത്​ ഷെർലിൻ ചോപ്രയാണ്​. നീലച്ചിത്ര കേസ്​ അന്വേഷിക്കുന്ന ​ൈക്രംബ്രാഞ്ച്​ സംഘം ശിൽപ ഷെട്ടിയെ കഴിഞ്ഞ ദിവസം ചോദ്യം ചെയ്​തിരുന്നു. അവർക്ക്​ ക്ലീൻചിറ്റ്​ നൽകാൻ പൊലീസ്​ ഒരുക്കമല്ലെന്ന്​ റിപ്പോർട്ടുകൾ പറയുന്നു.