മോദിക്കും യോഗിക്കുമെതിരെ വധഭീഷണി സന്ദേശം: 16കാരൻ അറസ്റ്റിൽ

ലഖ്നോ: പ്രധാനമന്ത്രി നരേന്ദ്രമോദിക്കും യു.പി മുഖ്യമന്ത്രി യോഗി ആദിത്യനാഥിനും എതിരെ വധ ഭീഷണി മുഴക്കി മീഡിയ ഹൗസിലേക്ക ഇ-മെയിൽ അയച്ച 16കാരൻ അറസ്റ്റിൽ. കുട്ടിയെ ജുവനൈൽ കോടതിയിൽ ഹാജരാക്കിയതിനു പിന്നാലെ ജാമ്യത്തിൽ വിട്ടയച്ചു.

ബിഹാർ സ്വദേശിയാണ് കുട്ടിയെന്ന് ലഖ്നോ പൊലീസ് പറഞ്ഞു. വധഭീഷണി സന്ദേശമയച്ചതുമായി ബന്ധപ്പെട്ട് ഏപ്രിൽ അഞ്ചിനാണ് ലഖ്നോ പൊലീസ് കേസെടുത്തത്. മീഡിയ ഹൗസ് പ്രതിനിധികളാണ് ഇതു സംബന്ധിച്ച് പൊലീസിൽ പരാതി നൽകിയത്.