ധനകാര്യസ്ഥാപനത്തിലെ കവര്‍ച്ചാശ്രമം: പൊലീസ് അന്വേഷണം തുടങ്ങി

തേ​ഞ്ഞി​പ്പ​ലം: പ​ള്ളി​ക്ക​ല്‍ കാ​വും​പ​ടി​യി​ൽ ധ​ന​കാ​ര്യ​സ്ഥാ​പ​ന​ത്തി​ന്റെ ഷ​ട്ട​ര്‍ പൂ​ട്ട് പൊ​ളി​ച്ച് ക​വ​ര്‍ച്ച ന​ട​ത്താ​ന്‍ ശ്ര​മി​ച്ച കേ​സി​ല്‍ തേ​ഞ്ഞി​പ്പ​ലം പൊ​ലീ​സ് ശാ​സ്ത്രീ​യ അ​ന്വേ​ഷ​ണം തു​ട​ങ്ങി. കാ​വും​പ​ടി​യി​ലെ ചെ​റു​കാ​വ് സു​വ​ർ​ണ​നി​ധി ഓ​ഫി​സി​ല്‍ തി​ങ്ക​ളാ​ഴ്ച പു​ല​ര്‍ച്ചെ ര​ണ്ടോ​ടെ​യാ​ണ് ക​വ​ര്‍ച്ചാ​ശ്ര​മ​മു​ണ്ടാ​യ​ത്. ചൊ​വ്വാ​ഴ്ച മ​ല​പ്പു​റ​ത്ത് നി​ന്ന് വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്‌​ക്വാ​ഡും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി​യെ​ങ്കി​ലും കാ​ര്യ​മാ​യ തെ​ളി​വു​ക​ളൊ​ന്നും ല​ഭി​ച്ചി​ല്ല.

സ്ഥാ​പ​ന​ത്തി​ന്റെ ഷ​ട്ട​ര്‍ പൂ​ട്ട് ത​ല്ലി ത​ക​ര്‍ക്കു​ന്ന ശ​ബ്ദം കേ​ട്ട് പ​രി​സ​ര​വാ​സി​ക​ള്‍ സം​ഘ​ടി​ച്ചെ​ത്തി​യ​തോ​ടെ മോ​ഷ്ടാ​ക്ക​ള്‍ കാ​റി​ല്‍ ക​യ​റി കു​റി​യേ​ടം ഭാ​ഗ​ത്തേ​ക്ക് ര​ക്ഷ​പ്പെ​ടു​ക​യാ​യി​രു​ന്നു. സ്ഥാ​പ​ന​ത്തി​ലെ​യും പ​രി​സ​ര​ത്തെ​യും പ​ത്തി​ല​ധി​കം സി.​സി.​ടി.​വി കാ​മ​റ​ക​ൾ പ​രി​ശോ​ധി​ച്ച​തി​ല്‍ കാ​ര്‍ ക​ട​ന്നു​പോ​കു​ന്ന ദൃ​ശ്യ​ങ്ങ​ള്‍ ല​ഭി​ച്ചു. എ​ന്നാ​ല്‍ ദൃ​ശ്യ​ങ്ങ​ള്‍ വ്യ​ക്ത​മ​ല്ലാ​ത്ത​തി​നാ​ല്‍ ന​മ്പ​റും മ​റ്റ് വി​ശ​ദാം​ശ​ങ്ങ​ളും ല​ഭ്യ​മാ​യി​ട്ടി​ല്ല. അ​തി​നാ​ല്‍ കൂ​ടു​ത​ല്‍ സി.​സി.​ടി.​വി ദൃ​ശ്യ​ങ്ങ​ൾ പൊ​ലീ​സ് പ​രി​ശോ​ധി​ച്ചു​വ​രി​ക​യാ​ണ്.

ഓ​ഫി​സ് ഷ​ട്ട​റി​ന്റെ ര​ണ്ട് പൂ​ട്ടു​ക​ളും മു​ക​ള്‍ ഭാ​ഗ​ത്താ​യി ചു​മ​രി​ല്‍ സ്ഥാ​പി​ച്ച സി.​സി.​ടി.​വി കാ​മ​റ​ക​ളും മോ​ഷ്ടാ​ക്ക​ൾ ത​ല്ലി​ത​ക​ര്‍ത്തി​ട്ടു​ണ്ട്. ഓ​ഫി​സി​ന് സ​മീ​പ​ത്തെ വീ​ട്ടി​ലെ സി.​സി.​ടി.​വി കാ​മ​റ അ​ട​ര്‍ത്തി മാ​റ്റി ന​ശി​പ്പി​ച്ചി​ട്ടു​മു​ണ്ട്. പ്ര​ദേ​ശ​ത്തെ ഒ​രു വീ​ട്ടി​ലെ കാ​മ​റ​യി​ൽ മോ​ഷ്ടാ​വി​ന്റെ ദൃ​ശ്യം പ​തി​ഞ്ഞെ​ങ്കി​ലും ഇ​രു​ട്ടാ​യ​തി​നാ​ല്‍ വ്യ​ക്ത​മാ​യി മ​ന​സ്സി​ലാ​കാ​ത്ത അ​വ​സ്ഥ​യാ​ണ്.

കേ​സി​ല്‍ ര​ണ്ടു​ദി​വ​സ​ത്തി​ന​കം വ​ഴി​തി​രി​വു​ണ്ടാ​കു​മെ​ന്ന് തേ​ഞ്ഞി​പ്പ​ലം സി.​ഐ കെ.​ഒ. പ്ര​ദീ​പ് പ​റ​ഞ്ഞു. ഐ​ക്ക​ര​പ്പ​ടി​യി​ലെ ചെ​റു​കാ​വ് നി​ധി ലി​മി​റ്റ​ഡി​ന് കീ​ഴി​ലു​ള്ള​താ​ണ് ധ​ന​കാ​ര്യ​സ്ഥാ​പ​നം.-