എ.ഇ.ഒ ഓഫിസിലെ കവർച്ച; പ്രതി അറസ്റ്റിൽ

തലശ്ശേരി: ടി.സിമുക്കിൽ സി.എച്ച് കണാരൻ സ്മാരക മന്ദിരത്തിന് സമീപത്തെ എ.ഇ.ഒ ഓഫിസിന്റെ വാതില്‍ കുത്തിത്തുറന്ന് കവര്‍ച്ച നടത്തിയ കേസില്‍ പ്രതി പിടിയില്‍. മലപ്പുറം വേങ്ങരയിലെ വെള്ളിക്കാടൻ ഹൗസില്‍ മുഹമ്മദ് ജുറൈദിനെയാണ് (25) തലശ്ശേരി എസ്.ഐ സുനില്‍കുമാറിന്റെ നേതൃത്വത്തിലുള്ള സംഘം പിടികൂടിയത്.

മലപ്പുറത്ത് നടത്തിയ അന്വേഷണത്തിലാണ് പ്രതി പിടിയിലായത്. തലശ്ശേരി കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.