ശബരിമല ദർശനത്തിന്​ ഐ.ജി ലക്ഷ്മൺ പണം വാങ്ങിയതായി റിപ്പോർട്ട്; പണം പിരിക്കാൻ ഒാഫീസ്​ തുറന്നു

തി​രു​വ​ന​ന്ത​പു​രം: മോ​ന്‍സ​ൺ കേ​സി​ൽ​ സ​സ്പെ​ൻ​ഷ​നി​ലാ​യ ഐ.​ജി ല​ക്ഷ്മ​ൺ ശ​ബ​രി​മ​ല ദ​ർ​ശ​ന​ത്തി​നാ​യി ഇ​ത​ര സം​സ്ഥാ​ന ഭ​ക്ത​രി​ൽ​നി​ന്ന്​ വ്യാ​പ​ക​മാ​യി പ​ണം വാ​ങ്ങി​യെ​ന്ന് സ്പെ​ഷ​ൽ ബ്രാ​ഞ്ച് റി​പ്പോ​ർ​ട്ട്. ഇ​തി​നാ​യി ഹൈ​ദ​രാ​ബാ​ദി​ൽ ഓ​ഫി​സ് തു​റ​ന്ന​താ​യി സ്പെ​ഷ​ൽ ബ്രാ​ഞ്ച് റി​പ്പോ​ർ​ട്ട് ന​ൽ​കി​യി​ട്ടും ന​ട​പ​ടി എ​ടു​ക്കാ​തെ പൊ​ലീ​സ് ആ​സ്ഥാ​ന​ത്ത് ഒ​തു​ക്കി​ത്തീ​ർ​ക്കു​ക​യാ​യി​രു​ന്നു. ഒ​ന്നാം പി​ണ​റാ​യി സ​ർ​ക്കാ​റിന്‍റെ ശ​ബ​രി​മ​ല തീ​ർ​ഥാ​ട​ന കാ​ല​ത്താ​ണ് ദ​ർ​ശ​ന​ത്തി​നാ​യി പ​ണം വാ​ങ്ങു​ന്ന കാ​ര്യം ഉ​ന്ന​ത ഉ​ദ്യോ​ഗ​സ്ഥ​ർ അ​റി​യു​ന്ന​ത്. ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​രു​ടെ അ​തി​ഥി​ക​ളും ബ​ന്ധു​ക്ക​ളു​മെത്തു​മ്പോ​ള്‍ ശ​ബ​രി​മ​ല​യി​ലെ ഡ്യൂ​ട്ടി​ലു​ള്ള പൊ​ലീ​സ് ഉ​ദ്യോ​ഗ​സ്ഥ​രോ​ട് ദ​ർ​ശ​ന സൗ​ക​ര്യ​മൊ​രു​ക്കാ​ൻ പ​റ​യു​ക പ​തി​വാ​ണ്.

പ​​ക്ഷേ, ഐ.​ജി ല​ക്ഷ്​​മ​ണി​െൻറ അ​തി​ഥി​ക​ളാ​യി നി​ര​വ​ധി​പ്പേ​ർ ഓ​രോ ദി​വ​സ​വും ശ​ബ​രി​മ​ല ദ​ർ​ശ​ന​ത്തി​നെ​ത്തി​യ​തോ​ടെ​യാ​ണ് സം​ശ​യം തു​ട​ങ്ങി​യ​ത്. ശ​ബ​രി​മ​ല​യി​ലു​ള്ള സ്പെ​ഷ​ൽ ഓ​ഫി​സ​ർ​മാ​ർ ഇ​ക്കാ​ര്യം ഉ​ന്ന​ത ഉ​ദ്യോ​ഗ​സ്ഥ​രെ അ​റി​യി​ച്ചു. സ്പെ​ഷ​ൽ ബ്രാ​ഞ്ചും അ​ന്വേ​ഷി​ച്ചു.

ഹൈ​ദ​രാ​ബാ​ദി​ല്‍ ദ​ർ​ശ​ന​ത്തി​ന് സൗ​ക​ര്യ​മൊ​രു​ക്കാ​ന്‍ ഓ​ഫി​സ് ത​ന്നെ തു​ട​ങ്ങി​യി​ട്ടു​ണ്ടെ​ന്ന് ക​ണ്ടെ​ത്തി. ഇ​തി​ന് പി​ന്നി​ൽ ല​ക്ഷ്​​മ​ണാ​ണെ​ന്ന വി​വ​ര​വും ആ​ഭ്യ​ന്ത​ര​വ​കു​പ്പി​നും ഉ​ന്ന​ത ഉ​ദ്യോ​ഗ​സ്ഥ​ർ​ക്കും ല​ഭി​ച്ചു. 10,000 രൂ​പ മു​ത​ൽ ഒ​രാ​ളി​ൽ​നി​ന്ന്​​ വാ​ങ്ങി​യെ​ന്ന വി​വ​ര​വും ല​ഭി​ച്ചു. അ​ന്ന​ത്തെ ആ​ഭ്യ​ന്ത​ര സെ​ക്ര​ട്ട​റി ഇ​ക്കാ​ര്യ​ത്തി​ൽ അ​ന്വേ​ഷ​ണം ന​ട​ത്താ​ൻ മു​ൻ പൊ​ലീ​സ് മേ​ധാ​വി ബെ​ഹ്റ​യോ​ട് ആ​വ​ശ്യ​പ്പെ​ടു​ക​യും ചെ​യ്തു. പ​ക്ഷേ, കാ​ര്യ​മാ​യ അ​ന്വേ​ഷ​ണ​മു​ണ്ടാ​യി​ല്ല.